Almatyda Serkebaev dańǵyly boıyndaǵy kólik qozǵalysyna úsh táýlikke segmentter boıynsha shekteý qoıylmaqshy, dep habarlaıdy aqshamnews.kz «Almaty jylý júıesi» JSHS-ne silteme jasap.
Almaty qalasy Bostandyq aýdanyndaǵy Ermek Serkebaev dańǵyly boıyndaǵy Berezovskıı kóshesinen bastap Esqaraev kóshesine deıingi aýmaq 10 tamyzdaǵy (senbi) tańǵy saǵat 6-dan 13 tamyzdaǵy (seısenbi) tańǵy saǵat 10-ǵa deıin eki baǵytta da avtokólik quraldarynyń qozǵalysy úshin jabylady.
Ýaqytsha shekteýler atalǵan kóshe boıyndaǵy kólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilip otyr.
Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
48 jyl buryn (1976 jyly) paıdalanýǵa berilgen jalpy uzyndyǵy 1 shaqyrymnan asatyn jáne jańǵyrtylyp jatqan jylý magıstrali qazandyqtardan megapolıstiń ońtústigindegi atalǵan sektorda ornalasqan 19 turǵyn úıge, 2 balabaqshaǵa jáne 39 basqa ǵımarattarǵa jylý energıasyn berýdi qamtamasyz etedi.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.