Almatyda Respýblıka kúnine arnalǵan is-sharalar 20 qazan kúni saǵat 11:00-de Memlekettik qýyrshaq teatryndaǵy «ALMATY PUPPET FESTIVAL» I Halyqaralyq qýyrshaq teatrlary festıvaliniń saltanatty ashylýymen bastalady. Festıvál 24 qazanǵa deıin jalǵasady, jas kórermenderge Qazaqstannyń túkpir-túkpirinen, sonymen qatar, alys-jaqyn shetelderden – Ózbekstan, Polsha, Bolgarıa, Grýzıa, Túrkıadan kelgen teatr ujymy óner kórsetedi.
Respýblıka kúnin toılaý aıasynda qalada birqatar basqa is-shara ótedi:
- 21 qazan saǵat 10:00 - de qalanyń barlyq aýdanynda eriktiler front keńsesimen birlesken «Jańa Qazaqstan. Taza tabıǵat» ekologıalyq senbiligi ótedi. Senbilik aıasynda qala aýmaǵyn tazartý, rekreasıalyq aımaqtardy, saıabaqtardy, skverlerdi, aýla aýmaqtaryn jınaý, sonymen birge jappaı aǵash otyrǵyzý josparlanǵan.
- 23 qazan saǵat 15:00-de «Alataý» dástúrli óner teatrynda dástúrli ánshilerdiń qatysýymen «Baıtaq elim, Qazaqstan» patrıottyq merekelik konserti ótedi. Sonymen qatar, Jambyl atyndaǵy fılarmonıada etnomádenı birlestik shyǵarmashylyq ujymdarynyń qatysýymen konsert ótedi.
- 24 qazan saǵat 10:00-de Abaı atyndaǵy Qazaq ulttyq opera jáne balet teatrynda memlekettik nagradalarmen marapattaý rásimi ótedi.
Negizgi merekelik konsert Respýblıka kúnine oraı saǵat 15:00-de Qazaqstan estradasy juldyzdarynyń qatysýymen Respýblıka saraıynda ótedi. Buǵan qosa, saǵat 17.00-de Qurmanǵazy atyndaǵy konservatorıada oqý ordasynyń jetekshi ujymdary men solıseriniń qatysýymen «Jasaı ber, Qazaq eli» atty saltanatty konsert uıymdastyrylady.
Respýblıka kúni, 25 qazanda saǵat 11:30-da «Medeý» BTSK-da memlekettik týdy kóterý jáne Qazaqstan Ánuranyn jappaı oryndaý saltanatty rásimi ótedi. İs-sharaǵa qala jastary, qoǵam qaıratkerleri, Almaty qalasy máslıhatynyń depýtattary jáne Qazaqstan halqy Assambleıasynyń ókilderi qatysady. Sonymen qatar, sol kúni saǵat 11:00-de Jambyl atyndaǵy qalalyq jasóspirimder kitaphanasynda «El órkenin ósirgen azattyq» taqyrybynda kvız jáne «Deklarasıa –táýelsizdikti bekitýdiń alǵashqy qadamy» kórmesi ótedi.
Respýblıka kúni – 25 qazan kúni saǵat 11:00-de Jambyl atyndaǵy qalalyq jasóspirimder kitaphanasynda «El órkenin ósirgen azattyq» taqyrybynda kvız jáne «Deklarasıa – táýelsizdikti bekitýdiń alǵashqy qadamy» kórmesi ótedi.
25 qazan saǵat 14:00-de Kóktóbe saıabaǵynda «Almaty áýenderi» shyǵarmashylyq ujymynyń qatysýymen «Jasaı ber máńgi – Qazaqstanym» atty merekelik konsert ótedi. Osy kúni Qazaq memlekettik sırkinde saǵat 16:00-de Respýblıka kúnine jáne ataqty kloýn ári sıqyrshy, sırk ártisi Kárim Mutyrǵanovtyń 70 jyldyǵyna oraı benefıs uıymdastyrylady. Qonaqtarǵa akrobattar, áýe gımnasttary, jonglerler, ekvılıbrıser, ıllúzıonıster men saıqymazaqtar qatysatyn shoý-baǵdarlama usynylady. Buǵan qosa, 25 qazanda saǵat 20:00-de Astana alańynda Respýblıka kúnine oraı merekelik otshashý bolatynyn habarlaımyz.
Respýblıka kúnin toılaý aıasynda sýretter men fotosýretter kórmeleri, dóńgelek ústelder, aýyl sharýashylyǵy jármeńkeleri, fleshmobtar, sport festıválderi, týrnırler, marapattaý rásimderi, zıatkerlik oıyndar men aksıalar ótedi. Respýblıka kúnine oraı ótkiziletin ózge de is-sharalar týraly qosymsha habarlanady.
