Almatyda jylý jelilerin jóndeý sebebimen Raıymbek dańǵylynyń ýchaskesi bir túnge jabylady
Almatynyń Almaly aýdanynda 1994 jyly paıdalanýǵa engizilgen qubyrjoldy jóndeý sebebimen Raıymbek dańǵylynyń boıymen qozǵalys ýaqytsha shekteledi, dep habarlaıdy aqshamnews.kz.
13 maýsym saǵat 23:00-den bastap 14 maýsym saǵat 08:00-ge deıin Raıymbek dańǵyly boıymen N. Tilendıev kóshesinen Brýsılovskıı kóshesine deıin shyǵys baǵytynda avtokólikter qozǵalysy jartylaı shekteledi. Batys baǵytyna qaraı qozǵalys ashyq qaldyrylady.
Ýaqytsha shekteýler aldaǵy jylytý maýsymyna daıyndyq aıasynda, magıstraldi qubyr jelisiniń jóndeý jumystaryn qaýipsiz júrgizýdi qamtamasyz etý maqsatynda engiziledi.
Aıta keteıik, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy suraımyz!
«Almaty jylý júıesi» JSHS