Aldaǵy jylytý maýsymyna daıyndyq aıasynda Almaty qalasynyń Bostandyq aýdanynda 1973 jyly paıdalanýǵa engizilgen 1,5 kılometrge jýyq qubyr jelisi aýystyrylady.
Osyǵan baılanysty 2025 jylǵy 14 maýsym men 4 tamyz aralyǵynda Radostoves kóshesiniń Solodovnıkov kóshesinen Jandosov kóshesine deıingi aralyǵynda kólik qozǵalysy ýaqytsha shekteledi. Qozǵalys eki baǵyt boıynsha da toqtatylady.
Ýaqytsha shekteý jumystardyń qaýipsizdigin qamtamasyz etý maqsatynda engizilip otyr. Jóndeý kezinde kósheniń júris bóliginiń astymen ótetin magıstraldyq qubyr jelisi qaıta jańartylady.
Jóndeý jumystary júrgizilgen kezeńde jylý jelisine qosylǵan tutynýshylar úshin ystyq sý berý toqtatylmaıdy.
Atalǵan jylý magıstrali 16 kópqabatty turǵyn úı men 7 áleýmettik jáne komersıalyq nysandy jylý energıasymen jáne ystyq sýmen qamtamasyz etip otyr.
Aıta keteıik, aǵymdaǵy jyly qala boıynsha 39 km jylý jelilerin jańǵyrtý josparlanǵan. Bul tozý deńgeıin 54% deıin tómendetýge múmkindik beredi.
Qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵanyn eskertemiz.