Meteorologtardyń boljamynsha, respýblıka boıynsha naızaǵaı oınap, burshaq jaýýy, jeldiń ekpini 15–20 m/s deıin kúsheıýi, sondaı-aq keı óńirlerde tuman túsýi múmkin.
Buǵan qosa, aýa temperatýrasy 38 gradýsqa deıin kóterilip, qatty ystyq kútiledi, dep habarlaıdy aqshamnews.kz.
Sonymen qatar, elimizdiń basym bóliginde joǵary jáne tótenshe órt qaýpi boljanyp otyr.
Osyǵan baılanysty Tótenshe jaǵdaılar mınıstrligi azamattarǵa mynadaı qaýipsizdik sharalaryn saqtaý jóninde keńes beredi:
aptap ystyq pen qatty jel kezinde ormandy jáne dala aımaqtarynan aýlaq bolý;
naızaǵaı kezinde aǵash astyna jasyrynbaý jáne kóshede elektr qurylǵylaryn paıdalanbaý;
ot jaqpaý, janǵysh zattardy ashyq kún astynda qaldyrmaý;
aýa raıy nasharlaǵan jaǵdaıda úıden shyqpaý.
«Qazgıdromet» mamandary qolaısyz meteojaǵdaılar kezinde barynsha saq bolýǵa shaqyrady.