Aýqymy jaǵynan eń iri senbilik Naýryzbaı aýdanynda ótti, dep habarlaıdy aqshamnews.kz
«Taza Qazaqstan» jalpyulttyq ekologıalyq aksıasy aıasynda «Rahat» shaǵynaýdanyndaǵy saıabaqqa qalanyń máslıhat depýtattary, mádenıet ókilderi men qoǵam belsendileri qatysty.
Senbilikke qatysqan Almaty ákiminiń orynbasary Azamat Qaldybekov Naýryzbaı aýdanynyń turǵyndaryna jáne beı-jaı qaramaıtyn qala turǵyndaryna úndeý jasady.
– Bul ózgeris qalanyń tazalyǵy men ekologıalyq jaǵdaıyna ǵana emes, búkil qoǵamdyq mádenıetimizge áser etedi. Mundaı ıgi ister dástúrge aınalýǵa tıis. Ortaq úıimizdi taza ustaıyq, – dep ákimniń orynbasary senbilikke qatysqan turǵyndarǵa rızashylyǵyn bildirdi.
Almaty qalasy Qoǵamdyq keńesiniń múshesi Ermek Qojamsúgirov qala tazalyǵynyń mańyzymen qatar, mundaı sharalar almatylyqtardy ortaq maqsatqa jumyldyratynyn atap ótti.
– Mundaı senbilikter turaqty túrde ótkizilip tursa, ol qoǵamnyń birigýine úlken septigin tıgizedi. Qala turǵyndary depýtattar men belsendilerdiń birge júrgenin kórgende, ózderi de úlgi alady, – dedi qoǵam qaıratkeri.
Senbilikke mádenıet salasynyń ókilderi de belsendi qatysyp, úles qosty. Qazaq memlekettik sırkiniń qyzmetkerleri ujym bolyp jınalyp, saıabaq aýmaǵyn tazalaýǵa atsalysty.
– «Taza Qazaqstan» ekologıalyq bastamasy aıasynda biz buǵan deıin Almaty sırki aýmaǵyn abattandyryp, keıin «Almaty Arena» mańyndaǵy senbilikke qatystyq. Búgin 30-ǵa jýyq áriptesimiz Naýryzbaı aýdanynda jumys istep jatyr. Árbir almatylyq aınalasyn taza ustaýǵa atsalyssa, qoǵamda beıbereket qoqys tastaý azaıady, – dedi Qazaq memlekettik sırkiniń shyǵarmashylyq damý jónindegi dırektorynyń orynbasary Nurlan Altaev.
– Senbilikter ár úıdiń janynda, ár shaǵynaýdanda ótip jatyr. Men bul jerge áriptesterimmen birge bolý úshin keldim. «Taza Qazaqstan» eń aldymen otbasydan, úıden bastalady. Úı men aýla, qoǵamdyq keńistik taza bolsa – adamnyń jan dúnıesi de tazarady, – dedi mádenıet qaıratkeri Beıbitgúl Nurymqojına.
– Almaty meniń 50 jyldan astam ómirim ótken súıikti qalam. Bul qala men úshin erekshe. Aýlamyzdy árdaıym taza ustaýǵa tyrysamyz. Búgin dostarymmen birge qoǵamdyq oryndy tazalaýǵa keldik, – dedi Qazaqstannyń eńbek sińirgen mádenıet qaıratkeri Amantaı Berǵalıev.
Senbilikke Atyraýdan kelgen kompozıtor, óz qalasynyń ánuranynyń avtory Bolat Kohamanov ta qatysty:
– Men de Almatynyń tazalyǵyna úles qosýdy jón kórdim. Atyraýda da biz, oblystyq fılarmonıa qyzmetkerleri, únemi senbilikterge qatysamyz, – dedi megapolıs qonaǵy.
Senbilikke Almatydaǵy túrli etnomádenı ortalyq ókilderi de belsendi qatysty.
– Búgin qalamyzda ekologıalyq aksıa ótip jatyr.Jastar belsendi qatysýy tıis dep oılaımyn. Áradam ózinen bastasa, aınalasyn tazalasamegapolıste ómir súrý áldeqaıda jeńil bolady, – dedi dúngen etnomádenı ortalyǵy «ShinSyn»-nińjastar qanatynyń ókili Adam Tetánkýev. Ol birneshe ondaǵan seriktesimen keldi.
Senbilik sońynda mádenıet qaıratkerleri turǵyndar men qatysýshylarǵa arnalǵan shaǵyn konsert uıymdastyrdy.
Qalanyń barlyq aýdanynda aýqymdy tazalyq jumystary júrgizildi
Almaly aýdanynda senbilikke 550-den astam adam, 15 tehnıka qatysyp, 120 m³ qoqys shyǵaryldy.
Aǵashtar sanıtarlyq maqsatta kesilip, jaıaý júrginshiler aımaqtary men qoǵamdyq keńistikter tazartyldy. Nazarbaev – Abaı – Rozybakıev – Shevchenko kósheleri aralyǵyndaǵy aleıa men «Bıokombınat» skveri retke keltirildi. Medısınalyq, bilim berý jáne bıznes nysandarynyń aýmaǵy tazalandy. Úlken Almaty ózeniniń jaǵalaýy da jınastyryldy.
Áýezov aýdanynda 1300-ge jýyq adam, onyń ishinde ákimdik qyzmetkerleri, jastar, turǵyndar men merdiger uıym ókilderi qatysty.
«Altyn besik» shaǵynaýdanyndaǵy saıabaqta qoqys jınaý, aǵashtardy ákteý, oryndyqtardy syrlaý, Tóle bı kóshesiniń sońyna deıingi ýchaskede tazalyq jumystary júrgizildi. 400 m³-tan astam qoqys shyǵaryldy, 23 arnaıy tehnıka jumyldyryldy.Budan keıin Trýdovaıa jáne Jeksenbaeva kósheleri boıymen Tóle bı kóshesiniń sońyna deıin senbilik jalǵasty. 400 m³ qoqys jınaldy. 23 arnaıy tehnıka tartyldy.
Áýezov aýdany kóriktendirý bóliminiń basshysyNurlan Omarovtyń aıtýynsha, demalys kúni men aptap ystyqqa qaramastan, turǵyndar senbilikkeqatysty:
-Búgin Áýezov aýdanynda búgin kósheler men jekelegen aýmaqtardy tazartýǵa shamamen 1300 adam qatysty. Bul turǵyndar, ákimdik apparatynyń qyzmetkerleri, komýnaldyq qyzmet ókilderi, belsendiler men jastar. 23 arnaıy tehnıka birligi 400 tekshe metrge deıin qoqys jınap, shyǵarýǵa kómektesti.
Birneshe saǵat ishinde qoqys jınaý, ósimdikterdi shabý, sanıtarlyq maqsatta aǵash kesý jáne kóshetterdi sýarý, jasyl aımaqtardy aramshópten tazartý, trotýarlardy jýý jáne aryqtardy tazartý, kólemdi qoqysty shyǵarý sıaqty jumystar atqaryldy. Qala boıynsha ótken senbilikke qatysqan azamattardyń aýyzbirshiligi almatylyqtarǵa súıikti qalamyzdy taza ustaý – bárimizdiń ortaq mindetimiz ekenin eske salady dep senemiz.
Merdiger uıymdardyń biriniń qyzmetkeri Seıdahmet Bekbergenov azamattardyń birlesken kúsh-jigerimen ǵana kóshelerimiz ben skverlerde tazalyqqa qol jetkizýge bolatynyn atap ótti:
- Biz maýsymdyq jumystarǵa árqashan úlgermeımiz, sondyqtan Áýezov aýdanynyń ákimdigi men turǵyndaryna osy skver men onyń mańyndaǵy aýmaqtardy kórkeıtýge úles qosqany úshin alǵysymyzdy bildiremiz, – dedi
Alataý aýdanynda da qoǵam belsendileri men mádenıet qaıratkerleriniń qatysýymen senbilik ótti.
Muhammed Aıtjanov sońǵy aıaldama mańynda keıbir azamattardyń turmystyq qaldyqty beıbereket tastaıtynyna alańdaýshylyq bildirdi:
– Qalqamanǵa baratyn kóshe boıy jabaıy qoqys úıindisine aınalyp ketken, búgin biz ony tazalaımyz. Muny kórgen turǵyndar tıisti qorytyndy shyǵaryp, bul oryn bolashaqta áldeqaıda taza bolady dep úmittenemin. Mundaı senbilikterde eń aldymen jastarǵa jáne ósip kele jatqan urpaqqa óz turatyn jerin súıý – tek ádemi sóz emes, naqty áreket ekenin túsindirý óte mańyzdy. Qalamyz Almatyda keı jerde emes, barlyq aýmaqta tazalyq bolýy úshin ár azamat úlesin qosýǵa tıis.
Úsh saǵatqa sozylǵan tazalaý sharalarynan keıin, qatysýshylar Almatynyń kórkeıtýge qosqan úlesine rıza bolyp, úıine tarqasty.
«Taza Qazaqstan» baǵdarlamasy aıasynda Bostandyq aýdanynda keń aýqymdy tazalyq jáne kórkeıtý aksıasy ótti.
Qazaqfılm shaǵynaýdanyndaǵy Vıshnevaıa kóshesiniń bos aýmaǵy tazartyldy. Jumysqa komýnaldyq qyzmetter, Bostandyq aýdany ákimdigi apparatynyń qyzmetkerleri, Bostandyq komúnıtı-ortalyǵynyń jastary qatysty.
İs-sharaǵa bıznes ókilderi, kásipkerler, medısına mekemeleri, mektepter men balabaqshalar da belsendi túrde atsalysty.
Nátıjesinde: aǵash butaqtary kesilip, jaıaý júrginshi aımaqtary men qoǵamdyq keńistikter tazalandy, jasyl aımaqtarǵa tártip ornatyldy, 250 tekshe metrden astam qoqys shyǵaryldy.
Jalpy, aýdandyq ekoaksıaǵa 1470-ten astam adam qatysty, 23 tehnıka birligi jumyldyryldy.
Medeý aýdanynda tazalyq júrgizilgen aýmaqtar: Alataý shaǵynaýdany, Ibragımov kóshesi, Taýly Qyrat shaǵynaýdany jáne Jamaqaev kóshesi.
Barlyǵy 283 adam qatysyp, 210 tekshe metr qoqys shyǵaryldy. 25 tehnıka birligi jumys istedi.
Atqarylǵan jumystar: sanıtarlyq tazalaý, aǵashtardy kesý, shóp shabý, oryndyqtar, qoqys jáshikteri men qorshaýlardy syrlaý, aryq júıesin tazartý.
Senbilik aıasynda turǵyndarǵa arnalǵan qoqysty bólek jınaý boıynsha ınteraktıvti konkýrs, komýnaldyq qyzmetterdiń qatysýymen tańǵy jattyǵý jáne fleshmob ótkizildi.
Túrksib aýdanyndaǵy «Qaırat» yqshamaýdanynda «Taza Qazaqstan» baǵdarlamasyna sáıkes jergilikti senbilik uıymdastyryldy.
Barlyq aýmaqta keshendi sanıtarlyq tazalyq júrgizildi, sonyń ishinde:
Dáýletkereı kóshesi men 18-shi kóshege erekshe nazar aýdaryldy. Jumysqa komýnaldyq qyzmetter men ákimdik qyzmetkerleri qatysyp, 195 adam jumyldyryldy.
İs-sharalarǵa aýdan aýmaǵyndaǵy medısına mekemeleri, jeke uıymdar men qurylyskompanıalary da atsalysty.
Atqarylǵan jumystarǵa: aǵashtardy sanıtarlyq maqsatta kesý jáne jol belgileriniń kórinýin qamtamasyz etý úshin jasyl jelekterdiń sabaǵyn kóterý,
jaıaý júrginshi joldary men qoǵamdyq aýmaqtardy tazartý, jolaqtardaǵy jasyl aımaqtardy tegisteý, aryq júıesin keshendi tazartý jáne jınalǵan qoqysty shyǵarý, 110 tekshe metrden astam qoqys shyǵaryldy.
Senbilikke jalpy 1345 adam qatysty, 14 tehnıka birligi jumyldyryldy.
Jetisý aýdanynda ótken aksıaǵa 200 adam qatysyp, 234 tekshe metr qoqys shyǵaryldy.
Jumysqa 20 arnaıy tehnıka tartylyp, shóp shabý, qoqys jınaý, aǵash sabaǵyn kóterý, sypyrý, aǵashtardy qalypty kesý, jaıaý júrginshi joldaryn jýý syndy jumystar isteldi.