Almaty qalasynyń ákimdigi 5 qyrkúıek – Qazaqstan halqy tilderi kúni men Ahmet Baıtursynulynyń týǵan kúnine oraı «Ana tilim – ardaǵym» atty merekelik is-shara ótkizedi.
Saǵat 17:00-de Ortalyq demalys saıabaǵynda bastalatyn merekege aqyndar men jazýshylar, óner qaıratkerleri, eńbek ardagerleri, saıası partıalar men úkimettik emes uıymdardyń ókilderi, qala turǵyndary men qonaqtary, stýdentter men oqýshylar qatysady.
Jastar qazaq tili, ulttyq óner, ádebıet jáne Ahmet Baıtursynulynyń ómiri týraly vıktorınaǵa qatysyp, durys jaýap bergender syılyqtar alady. Sondaı-aq jınalǵan qaýym aldynda tanymal artıser óner kórsetedi, mereke jastardyń bı keshimen aıaqtalady.
Sonymen qatar, qalanyń birqatar aýdanynda túrli is-shara ótedi: 3 qyrkúıekte Túrksib aýdanynda Ahmet Baıtursynulynyń týǵan kúni men Qazaqstan halqy tilderi kúnine arnalǵan dóńgelek ústel ótedi.
- 5 qyrkúıek saǵat 10:00-de Almaly aýdanynda A. Baıtursynuly eskertkishine gúl shoqtary qoıylady, al 10:30-da Baıtursynuly ómir súrgen mýzeı-úıde respýblıkalyq konferensıa uıymdastyrylady.
- 5 qyrkúıek saǵat 11:00-de Áýezov aýdanynyń ákimi apparaty Qazaq jazýshylary kitaphanasynda oqýshylar arasynda «Til – dostyqtyń kilti, yntymaqtastyqtyń bastaýy» atty festıvál ótkizedi (11-shaǵyn aýdan, 37-úı).
- 5 qyrkúıek saǵat 11:00-de Naýryzbaı aýdanynda Qazaqstan halqy tilderi kúnine arnalǵan «Til – qazyna kilti» taqyrybynda zıaly qaýym ókilderiniń qatysýymen dóńgelek ústel ótedi («Shuǵyla» shaǵyn aýdany, 343/7).
Elimizde 2018 jyldan bastap qazaq til bilimi men ádebıettanýdyń negizin qalaýshy, ult ustazy Ahmet Baıtursynulynyń týǵan kúnine oraı Qazaqstan halqy tilderi kúni atalyp ótedi.