Muhtar Jákishev, qazaqstandyq kásipker jáne "Qazatomónerkásiptiń" burynǵy basshysy
Qazaqstanda atom elektr stansıasy (AES) salý máselesi búkilhalyqtyq referendýmda sheshiletin bolady. Al qazir sarapshylar arasynda bul taqyryp boıynsha túrli pikirler aıtylýda. Osy talqylaýdan shet qalmaǵandardyń biri – «Parasat Bıznes Klýbynyń» negizin qalaýshylardyń biri, «QazAtomProm» ulttyq kompanıasynyń burynǵy basshysy Muhtar Jákishev.
...Jylý stansıasynda kómir janyp, nátıjesinde paıda bolǵan kúl bar, bul tolyq janbaǵan zattardyń kvıntessensıasy. Kómirde de zıandy zattar jetkilikti mólsherde bolady, jáne bul zıandy zattar kúlde qalady.
Árıne, kómir stansıasynyń qaldyqtaryn atom stansıasymen salystyrýǵa bolmaıdy.
Eger atom stansıasynan shyqqan qaldyq birneshe bóshkege ǵana syısa, al kómir stansıasynyń qaldyqtary mıllıondaǵan gektardy alyp jatady.
Mysaly, Fransıany alyp qarańyz. Atom stansıasy mańynda júzim ósip jatyr. Olarda radıasıa máselesi joq.
Atom nysandaryn salýǵa kelsek, bul máselege qatty alańdamaýǵa bolady. Sebebi olar halyqaralyq baqylaýda bolady. Bul jerde sybaılas jemqorlyqqa jol berilmeıdi. Óıtkeni qurylysty Qazaqstan sheneýnikterinen bólek, halyqaralyq MAGATE sıaqty uıymdardar baqylaıdy.
Bul jerde para berý arqyly máseleni sheshe almaısyz, óıtkeni bul ıadrolyq qaýipsizdik máselesi. Halyqaralyq uıymdar ony baqylaıdy, sondyqtan munda zańsyz áreketter jasaý óte qıyn.
Basqa jobalarda, mysaly, temirjol jobalarynda, halyqaralyq baqylaý bolmaǵan jerlerde urlaý ońaıyraq. Biraq bul jaǵdaıda barlyq ınvestısıalyq jobalardyń ishindegi eń qıyn urlanatyn joba – ıadrolyq joba.