Almaty qalasyndaǵy joǵary oqý oryndarynyń stýdentteri Qarjylyq qaýipsizdik boıynsha respýblıkalyq dıktant-testke belsendi qatysýda.
Atalǵan is-shara azamattardyń qarjylyq saýattylyǵyn arttyrýǵa jáne alaıaqtyq sqemalardan qorǵaný daǵdylaryn qalyptastyrýǵa baǵyttalǵan.
Dıktanttyń maqsaty – azamattardy alaıaqtyq sqemalarǵa tartýdyń aldyn alý, sondaı-aq qarjylyq qaýipsizdik qaǵıdattary týraly tanymyn arttyrý. Qatysýshylar óz bilimderin tekserip qana qoımaı, dıktanttan ótkeni týraly sertıfıkat alady.
Dıktant-testke Almaty qalasynyń 6 myńnan astam turǵyny, sonyń ishinde jetekshi JOO-nyń stýdentteri qatysty. Mundaı is-sharalar «Zań jáne tártip» qaǵıdatyn iske asyrýǵa jáne jastar arasynda jaýapty qarjylyq minez-qulyqty qalyptastyrýǵa yqpal etpek.
Qarjylyq qaýipsizdik boıynsha respýblıkalyq dıktant-test 10-20 qazan aralyǵynda Qarjylyq monıtorıń agenttigi «Zań men Tártip» tujyrymdamasy aıasynda, Halyk Bank pen «AMANAT» partıasynyń «Qaryzsyz qoǵam» jobasynyń qoldaýymen ótkizýde. Dıktant-test onlaın formatta ótti. Test suraqtary túrli deńgeı boıynsha daıyndalǵan, sondyqtan ár qatysýshy óz bilimin tekserip, paıdaly aqparat ala alady. Dıktantty aıaqtaǵan ár qatysýshyǵa ataýly sertıfıkat tabystalady. Eń joǵary nátıjege qysqa ýaqytta qol jetkizgender Halyk Bank-tiń arnaıy syılyqtaryna ıe bolady, – dedi Almaty qalasy boıynsha ekonomıkalyq tergep-tekserý departamentiniń basqarma basshysy Abylaı Myrzahanov.