Almaty qalasy ákiminiń orynbasary Beıbit Shahanov japonıalyq áıgili sáýletshi, «TEZUKA ARCHITECTS» sáýlet búrosynyń negizin qalaýshy Takaharý Tezýkamen kezdesti.
«TEZUKA ARCHITECTS» – bilim berý nysandary men qoǵamdyq keńistikter jobalaý salasyna mamandanǵan halyqaralyq sáýlet búrosy. Kompanıa jumysynyń negizgi qaǵıdattary: ashyq josparlaý, keńistiktiń sezimdik úılesimi jáne qarapaıymdylyq pen joǵary fýnksıonaldylyqtyń sabaqtastyǵy.
Kezdesý barysynda taraptar Almatydaǵy bilim berý uıymdaryn jańǵyrtý úderisinde «TEZUKA ARCHITECTS» tájirıbesin paıdalaný múmkindikterin, balalardyń mektepten tys shyǵarmashylyq jáne damytýshy ortasyn keńeıtý joldaryn, sondaı-aq mektepke deıingi mekemelerdiń sáýletine ashyq keńistik qaǵıdatyn engizý máselelerin talqylady.