Almaty qalasynyń qylmystyq ister jónindegi mamandandyrylǵan aýdanaralyq sotynda "qara rıeltorlar" qylmystyq tobynyń múshelerine qatysty úkim shyqty, dep habarlaıdy aqshamnews.kz.
Qylmystyq toptyń quramynda 22 aıyptalýshy bar. Olardyń qatarynda eki dáriger, úsh notarıýs, burynǵy polısıa qyzmetkerleri, sot oryndaýshynyń kómekshisi, medısınalyq sarapshylar, eki rıeltor jáne birneshe taksı júrgizýshisi bar. Bul uıymdasqan qylmystyq top jalǵyzbasty qart adamdardyń qaıtys bolǵannan keıin muragerleri joq páterlerdi taýyp, qujattardy qoldan jasaý arqyly basyp alyp, olardy tómendetilgen baǵamen satqan.
Barlyǵy 37 páterdi zańsyz ıemdengen. Qylmystyq toptyń áreketi 2017-2023 jyldar aralyǵynda Almaty qalasynda bolǵan. Osy ýaqyt ishinde 27 azamat zardap shekken.
Sot úkimi boıynsha:
- Áshiráli Boltaboev (Ózbekstan azamaty) 17 jylǵa bas bostandyǵynan aıyryldy.
- Áýelhan Sataev 16 jylǵa bas bostandyǵynan aıyryldy.
- Irına Gaparova (zeınetker) 18 jylǵa bas bostandyǵynan aıyryldy.
- Medısına qyzmetkerleri: Psıhıkalyq densaýlyq ortalyǵynyń eki burynǵy bólim meńgerýshisi jáne Almaty oblystyq psıhıatrıalyq dıspanseriniń burynǵy psıhıatr dárigeri sáıkesinshe úsh jyl, alty jyl jáne 10,5 jylǵa sottaldy. Sot sarapshysy tórt jylǵa bas bostandyǵynan aıyryldy.
- Notarıýstar: Úsh notarıýs qylmystyq jaýapkershilikke tartylyp, eki áıel alty jylǵa, al olardyń er áriptesi jeti jylǵa bas bostandyǵynan aıyryldy.