Senbi, jeksenbi kún úshin jalaqy júrip turǵan...
Qazannyń 28-i kúni Qaraǵandy oblysyndaǵy Kostenko atyndaǵy shahtada apat bolyp, 46 adam qaıtys boldy. 29-qazan elimizde qaraly kún dep belgilendi, dep habarlaıdy Almaty-akshamy.kz Halyq-uni.kz-ke silteme jasap.
Qaza tapqan kenshilerdiń sońǵysynyń denesi tabylǵanyn habarlaǵan bolatynbyz.
«Kompanıa óziniń basqarýshysy Palavathý Krıshnan Naır Bıdjýǵa 2021 jyly 375,9 mıllıon teńge jalaqy tólegen. Muny aıǵa eseptesek, 31,3 mıllıon, kúnine 1 mıllıon teńge. 2022 jylǵy derekter joq, kompanıa olardy jaı ǵana qarjylyq eseptilik depozıtarııiniń portalyna júktemegen. Biraq qarjylyq esepter 31 tamyzǵa deıin bolýy tıis bolǵan», – delingen jazbada.
2020 jyly Balavatý Krıshnan Naır Bıdjý 344 mıllıon teńge alypty. 2019 jyly onyń aldyndaǵy basqarýshysy Paramjıt Sıngh Kalonǵa 328 mıllıon teńge tólegen.
Sonymen qatar Telegram-arna 2022 jyldyń tamyzynda berilgen sońǵy esepke sáıkes 2021 jyly kompanıanyń taza paıdasy 215 mıllıard teńge bolǵanyn habarlady.