Almatynyń Qala kúnine arnalǵan merekelik is-sharalarǵa megapolıstiń 500 myńnan astam turǵyny men qonaǵy qatysty. Mereke qalanyń segiz aýdanynyń barlyǵyn qamtyp, negizgi oqıǵalar 18-21 qyrkúıek kúnderi ótti.
Máselen, KitapFest festıvalin 40 myńnan astam adam tamashalasa, Tuńǵysh Prezıdent saıabaǵyndaǵy merekelik is-sharalarǵa 100 myńnan astam qonaq keldi. Al «Astana» alańynda tańnan keshke deıin 130 myńnan astam kórermen jınaldy.
Qalanyń ortalyq alańdarynda, saıabaq pen kóshelerinde aýqymdy merekelik baǵdarlama uıymdastyryldy: Tuńǵysh Prezıdent saıabaǵynda kólemdi Alma Fest-2025 ótti, Panfılov kóshesi ınovasıalyq Digital Fest alańyna aınaldy, al Arbat KitapFest festıvetiniń arqasynda naǵyz ádebıet ortalyǵyna aınaldy. Buǵan qosa, Astana alańy, Abaı alańy jáne «Kóktóbe» jotasynda úlken konsertter ótti.
Almatylyqtar men qala qonaqtaryna Roza Rymbaeva, «Dos-Muqasan» ansambli, Zarına Altynbaeva, Birjan Hasanǵalı, Baýyrjan Mýsın, Arýjan Danyshpan, Erlan Baınazarov, Álı Oqapov pen Mádı Rymbaev, Il Canto kvarteti, «JasStars», Aleksandr Lım, Dıana men Alen Samykenovter, Janbolat pen Jazıra, Saltanat Baqaeva, «Ulytaý», «Baqaı», «Sardar» toptary, Elbol Qýanbek, Alma Amanjolova, Maral Anarbek, Baqtıar Taılaqbaev, Óktem Altaev, Búrkit pen Aısha, Medeý Arynbaev, Tamara Asar, Qurmash Mahanov, Baǵlan Ábdiraıymov, Keńes Álimjan, BYTANAT, Erkesh Hasen, Aqylbek Jemeneı, Alan Cherkasov, Asqat Tarǵyn, Zattybek Kópbosyn jáne taǵy da kóptegen artıs óner kórsetti.
Gala-konsertterdiń hedlaınerleri Qaırat Nurtas, TURAR, bellucci, «MýzArt» toby, Shiza, De Lacure, Adam jáne Ninety One toby boldy. Qala kúni Almatyny Qazaqstannyń mádenı astanasy retindegi mártebesin taǵy da aıshyqtaı tústi.