Almaty polısıasy Memleket basshysynyń tapsyrmalaryn oryndaý aıasynda polısıanyń qyzmet kórsetý ortalyqtarynyń jumysyna taldaý júrgizdi, – dep habarlaıdy aqshamnews.kz Polisia.kz-ke silteme jasap.
Qyzmet kórsetý ortalyqtarynda polısıa qyzmetiniń joǵary sapasyn qamtamasyz etý úshin İİO-nyń negizgi jelilerinde árqashan bilikti qyzmetkerler bar. Atap aıtqanda, kóshi-qon zańnamasy, ákimshilik zańnama, jergilikti polısıa qyzmeti, ıývenaldyq polısıa, áıelderdi turmystyq zorlyq-zombylyqtan qorǵaý bólimsheleri, tergeý bólimsheleriniń mamandary.
Sonymen qatar qyzmet kórsetý ortalyqtarynda medıator, zań qyzmetin kórsetý boıynsha keńesshi jáne psıholog qyzmetteri kórsetiledi. Qyzmet kórsetý ortalyqtary ashylǵan kúnnen bastap búgingi kúnge deıin İİO-ǵa qatysty túrli máseleler boıynsha 13098 azamattyń máselesi qaralyp, olarǵa kásibı kómek kórsetildi. Negizinen azamattar kóshi-qon jáne ákimshilik prosedýralar boıynsha júginedi.
Taldaý: – Alataý aýdany – 1720 ótinish; – Almaly aýdany – 984 ótinish; – Áýezov aýdany – 2453 ótinish; – Bostandyq aýdany – 3607 ótinish; – Jetisý aýdany – 2858 ótinish; – Medeý aýdany – 485 ótinish; – Naýryzbaı aýdany – 991 ótinish.