Úsh myńnan astam polıseı qaladaǵy tártipti táýlik boıy kúzetedi.
Qalada biriktirilgen polısıa kúshteriniń saptúzeýi ótti, dep habarlaıdy aqshamnews.kz.
Polisia.kz-tiń málimetinshe, ony Almaty qalalyq polısıa departamentiniń bastyǵy Arystanǵanı Zapparov júrgizdi.
– Qazaqstan polısıasynyń basty mindeti – quqyqtyq tártipti, azamattardyń qaýipsizdigin qamtamasyz etý, sondaı-aq qoǵammen senimdi qarym-qatynas ornatý ekenin bilesizder. Polısıa qyzmetkeri – memleket qaýipsizdiginiń kepili jáne árqashan azamattardyń tynyshtyǵyn kúzetedi. Sizderdiń árqaısyńyz qaladaǵy tártip pen qylmyspen kúreske ólsheýsiz úles qosyp kelesizder. Biz Otan aldyndaǵy boryshyn abyroımen atqaryp júrgen áriptesterimizdi maqtan tutamyz, – dedi Arystanǵanı Zapparov.
Almaty qalasynyń bas polıseıi qyzmetinde joǵary nátıjeli kórsetkishterge qol jetkizgen jáne óz isiniń kásibı mamany dep sanalǵan polısıa qyzmetkerlerin qurmet gramotalarymen, alǵys hattarmen jáne tósbelgilermen marapattady. Sonymen qatar saptúzeý barysynda jaýyngerlik bólimshe qyzmetkerleriniń kıim-keshekteri, avtokólikterdiń jaǵdaıy, sondaı-aq qaladaǵy quqyqtyq tártiptiń sapasyna áser etetin tehnıkalyq jabdyqtar tekserildi.