185 tártip saqshysy jaraqat aldy
Almaty qalalyq PD polıseılerdi uryp-soǵyp jatqan beınelerdi kórsetti, dep habarlaıdy Almaty-akshamy.kz Polisia.kz-ke silteme jasap.
Bul jınaq 4-5 qańtar aralyǵyndaǵy beınebaqylaý júıeleriniń derekteri men áleýmettik jelilerdegi materıaldardan jasalǵan.
Eske sala keteıik, júzdegen agressıvti adamdar tártipsizdikterdi, tonaýdy jáne basqa da zańsyz áreketterdi basý kezinde polısıa qyzmetkerlerine, áskerı qyzmetkerlerge birneshe ret shabýyl jasap, soqqyǵa jyqqan.
Jalpy alǵanda, lańkestik áreketterdiń jolyn kesý jáne memlekettik organdardyń ákimshilik ǵımarattary men strategıalyq nysandaryna qarýly shabýyldardy toıtarý nátıjesinde Almaty polısıasynyń úsh qyzmetkeri qaza tapty, taǵy 185 tártip saqshysy jaraqat aldy, olardyń ekeýiniń jaǵdaıy aýyr.
Qańtardyń 5-i kúni Almaly aýdandyq PB janyndaǵy polısıa bóliminiń ákimshilik ǵımaratyna jasalǵan shabýylǵa toıtarys berý kezinde eki polısıa qyzmetkeri Alen Asylhanov pen Rınat Qambetov jaraqat alyp, oqıǵa ornynda qaza tapty. Taǵy bir tártip saqshysy Nurbolsyn Almasov strategıalyq mańyzy bar nysandardyń birin qorǵaý kezinde qaıtys boldy.
Áskerı jáne qyzmettik boryshyn óteý kezinde kórsetken batyldyǵy men janqıarlyǵy, sondaı-aq memleket múddesin qorǵaýdaǵy erlikteri úshin bul polısıa qyzmetkerleri İİİ dárejeli «Aıbyn» ordenimen marapattaldy.