İz-túzsiz joǵalyp ketkender týraly 106 ótinish túsken
Almatyda jappaı tártipsizdik kezinde iz-túzsiz joǵalǵan 48 jan tabyldy. Bul týraly Lider.kz volonterler qozǵalysynyń jetekshisi Dılmıra Blas málimdedi, dep habarlaıdy Almaty-akshamy.kz QazAqparatqa silteme jasap.
«Biz iz-túzsiz joǵalyp ketkender týraly 106 ótinsh qabyldadyq. Onyń 48-i tabyldy. Qazir biz adamdardy izdestirý jumystaryn belsendi túrde júrgizip jatqan joqpyz. Tek egde jastaǵylar men balalardy tabýǵa kómektesip jatyrmyz», – dedi qozǵalys jetekshisi.
Eriktiler birinshi kezekte aýrýhana, polısıa, máıithanaǵa habarlasyp, joǵalǵan adam týraly aqparatty naqtylaıdy. Ol jaqtan tabylmaǵan jaǵdaıda ǵana aty-jóni, fotosy kórsetilgen paraqshalardy kóshelerge iledi.
Eriktilerdiń aıtýynsha, joǵalǵan adamdardyń basym bóligi qamaýda. Dılmıra Blas birinshi qańtar kúni joǵalyp ketken 13 jastaǵy jasósipirimdi tapqandaryn aıtty.
«Osydan eki kún buryn bizdiń qyz-jigitter birinshi qańtar kúni joǵalyp ketken 13 jastaǵy balany tapty. Jasósipirim aman-esen. Ol osy ýaqytqa deıin áýejaı aımaǵynda adasyp júrgen», – deıdi ol.
Sondaı-aq búgin Lider.kz volonterleri qan tapsyryp, órtenip ketken ákimdik ǵımaratyn tazalaýǵa atsalysýda.