"Genderlik zorlyq-zombylyqqa qarsy 16 kúndik belsendi is-qımyl" respýblıkalyq aksıasy aıasynda Túrksib aýdandyq polısıa basqarmasynyń otbasy men turmystyq zorlyq-zombylyqpen kúres bóliminiń ınspektorlary, qamqorlyq tanytqan meıirimdi azamattarmen birlese otyryp, turmystyq zorlyq-zombylyq qurbandarynyń daǵdarystyq ortalyǵynda turatyn balalarǵa qaıyrymdylyq sharasyn uıymdastyrdy, - dep habarlaıdy Aqshamnews.kz.
Mekeme ákimshiligimen aldyn ala balalardyń jas ereksheligi men qajettilikteri kelisilgen soń, aksıaǵa qatysýshylar jyly syılyqtar daıyndady. Árbir balaǵa qysqy kıimder - bas kıim, sharf jáne qolǵap tabystaldy.
– Mundaı bastamalar qıyn jaǵdaıda qalǵan otbasylarǵa qoldaý kórsetýge baǵyttalǵan jáne memleket pen qoǵamnyń birlesken kúsh-jigeri erekshe nazar men qoldaýdy qajet etetinderdi qorǵaýda qalaı kómektesetinin kórsetedi. Balalar men analarǵa qalpyna kelý kezeńinde kórsetiletin qamqorlyq pen kóńil bólý mańyzdy jáne quqyq qorǵaý organdaryna senimdilikti qalyptastyrady, – dep atap ótti Túrksib aýdandyq polısıa basqarmasynyń bastyǵy Dýman Aýhadıev.