Otan qorǵaýshylar kúnine jáne Jeńistiń 80 jyldyǵyna arnalǵan merekelik is-sharalar Almatynyń barlyq aýdandarynda 7-10 mamyr aralyǵynda ótedi, dep habarlaıdy Aqshamnews.kz
Almatynyń barlyq aýdanynda 7 jáne 9 mamyr kúnderi Otan qorǵaýshylar kúni men Jeńis kúnine arnalǵan túrli merekelik is-sharalar ótedi.
Almaly aýdany
8 mamyrda saǵat 11:00-de Jeńis aleıasynyń saltanatty ashylýy, orkestr men aǵash egý. Ótetin orny – Tóle bı jáne Amangeldi kósheleriniń qıylysy.
9 mamyr kúni saǵat 12:00-de Músirepov atyndaǵy balalar men jasóspirimder teatrynyń alańynda Jeńis kúnine arnalǵan merekelik konsert ótedi.
Medeý aýdany
7 mamyrda saǵat 11:00-de 28 panfılovshy-gvardıashylar saıabaǵynda Otan qorǵaýshylar kúnine jáne Uly Otan soǵysyndaǵy Jeńistiń 80 jyldyǵyna arnalǵan aýqymdy áskerı sherýdiń tikeleı kórsetilimi.
Saǵat 12:00-de Medeý aýdanynyń 28 gvardıashy-panfılovshylar atyndaǵy saıabaǵynda aýdannyń shyǵarmashylyq ujymdarynyń qatysýymen merekelik konsert ótedi. İs-shara aıasynda 300 oqýshy merekelik sherýge qatysady.
9 mamyrda saǵat 09:30-da 28 Panfılov saıabaǵynda Máńgilik alaýǵa gúl shoqtary qoıylady. Sondaı-aq, osy kúni saǵat 16:00-de Medeý aýdanynyń shyǵarmashylyq ujymdarynyń qatysýymen merekelik is-shara ótedi.
Mereke kúni 9 mamyrda eriktiler «Jeńis lentasyn» taratady.
Bostandyq aýdany
8 mamyr saǵat 8:30-da Jas Qanat saıabaǵyndaǵy Jeńistiń 80 jyldyǵyna arnalǵan senbilik. Saǵat 11:00-de Nur-Alataý shaǵyn aýdanyndaǵy obelıskke gúl shoqtaryn qoıý.
Áýezov aýdany
8 mamyr kúni saǵat 09:00-de Uly Otan soǵysyna qatysýshylardyń baýyrlastar zıratyna gúl shoqtaryn qoıý rásimi ótedi (Raıymbek dańǵyly, 235).
9 mamyr kúni saǵat 11:00-de Family park aýmaǵynda áskerı-ınjenerlik ınstıtýttyń úrmeli orkestriniń qatysýymen «Eshkim de, eshteńe de umytylmaıdy» atty merekelik konsert ótedi.
Alataý aýdany
7 mamyrda saǵat 10:00-de Alataý aýdany ákimdiginiń aldynda «Er esimi - El esinde» eskertkishine gúl shoqtaryn qoıý rásimi ótedi. Sodan keıin saǵat 11:00-de «Alataý» dástúrli óner teatrynyń aldyndaǵy alańda Otan qorǵaýshylar kúnine (7 mamyr) jáne Jeńis kúnine (9 mamyr) arnalǵan konserttik baǵdarlama ótedi.
8 mamyr kúni saǵat 10:00-de Zerdeli shaǵyn aýdany 1/78 úı Ardagerler aleıasynyń ashylýy.
Túrksib aýdany
8 mamyrda saǵat 10:00-de aýdanda eskertkishter men memorıaldarǵa gúl shoqtaryn qoıý saltanatty rásimi ótedi (Dańq memorıaly, «Uly Otan soǵysyndaǵy Keńes halqynyń jeńisi» memorıaly, Soltústik zırattaǵy Jeńis memorıaly, Aýǵan ardagerleri alańyndaǵy stela, soǵys maıdanynda qaza tapqan túlekterge arnalǵan eskertkish, sondaı-aq, eske alý dańqy memorıaly qaıtys bolǵan ushqyshtar týraly).
İs-sharaǵa aýdan ardagerleri, QR Qurlyq áskerleri Áskerı ınstıtýtynyń ókilderi, mektep oqýshylary, JOO jáne kolej stýdentteri qatysady.
Sondaı-aq, 8 mamyr kúni saǵat 10:00-de Jas Qanat shaǵyn aýdanynda Ardagerler aleıasynyń ashylýy.
9 mamyr kúni saǵat 11:00-de Sáken Seıfýllın atyndaǵy saıabaqta Jeńis kúnine arnalǵan qazaqstandyq estrada juldyzdarynyń qatysýymen konsert, estradalyq-sımfonıalyq orkestrdiń qoıylymy jáne dástúrli sarbaz botqasy bar ardagerlerge arnalǵan merekelik túski as ótedi.
Jetisý aýdany
7 mamyrda saǵat 09:00-de Ortalyq zırattaǵy Belgisiz sarbaz eskertkishine gúl shoqtaryn qoıý rásimi ótedi (Raıymbek dańǵyly 235).
8 mamyr kúni saǵat 13:00-de Kókmaısa shaǵyn aýdany Ardagerler aleıasynyń ashylýy.
9 mamyr kúni saǵat 10:00-de ál-Farabı alańynda (Aınabulaq shaǵyn aýdany) qazaqstandyq estrada juldyzdarynyń qatysýymen konserttik baǵdarlama ótedi.
Naýryzbaı aýdany
8 mamyr kúni saǵat 9:00-de Naýryzbaı aýdanynyń №187 mektebiniń (Jandosov kóshesi, 2) aýmaǵynda Uly Otan soǵysyndaǵy Jeńistiń 80 jyldyǵyna arnalǵan Ardagerler aleıasy saltanatty ashylady. İs-shara aıasynda soǵys batyrlaryn eske alý úshin gúl shoqtaryn qoıý jáne aǵash otyrǵyzý ótedi.
8 mamyr kúni saǵat 14:00-de Amfıteatrda (Shuǵyla shaǵyn aýdany, 347) merekelik is-shara ótedi. Konsert baǵdarlamasynda kórme, dala asqanasy jáne sarbaz botqasyn taratý bar.