Almaty qalasynda 2025 jyldan bastap múgedektigi bar adamdardy jumys ornynda alyp júrý jáne beıimdeý úshin «JOBCOACH» jobasy iske qosyldy.
Joba 2030 jylǵa deıin jalǵasady jáne alǵashqy jyly 300 adamdy qamtý josparlanǵan. Bul bastama múmkindigi shekteýli jandarǵa jumys ornynda qoldaý kórsetý arqyly olardyń eńbek naryǵyna belsendi aralasýyna jaǵdaı jasaıdy.
Sonymen qatar, áleýmettik qoldaý sharalary aıasynda Ataýly áleýmettik kómek (AÁK) baǵdarlamasy boıynsha 14 810 adamǵa jalpy kólemi 1,6 mlrd teńge tólem júrgizildi. AÁK alýshy otbasylardyń 4 727-den astam balasy úshin qosymsha kómek retinde tamaq pen turmystyq hımıa ónimderin satyp alýǵa 5 538 teńge mólsherinde tólem berildi.
Bul sharalar áleýmettik ál-aýqatty arttyrý jáne múgedektigi bar adamdar men az qamtylǵan otbasylarǵa qoldaý kórsetýdi kózdeıdi. Almaty qalasy ákimdiginiń bastamalary qoǵamdaǵy osal toptardyń ómir sapasyn jaqsartýǵa baǵyttalǵan mańyzdy qadam bolyp tabylady.