Alataý aýdany turǵynynyń suraǵy:
- Bizdiń PIK 2022 jyldyń mamyr aıynda ruqsatsyz 4 MIB qurdy: eki tóraǵasyn eshqashan kórgen emespiz. MIB-ke ótken kezde negizgi shart memlekettik aýdıt bolsyn dep usynys jasaǵym keledi. Meniń ekinshi usynysym qurylys salýshylardyń PIK pen JSHS-ge qatysty. Olar ózderin servıstik kompanıa dep ózgertip, bizdiń qarjymyzdy odan ári paıdalanýdy jalǵastyrǵysy keledi. Turǵyndardyń pikirleri ekige bólindi. Biri MIB-tiń ne ekenin bilmeıdi. Biraq memleket alaıaqtyq áreketterden qorǵaý úshin, ashyqtyq úshin ony qurýǵa daıynbyz.
Almaty qalasynyń ákimi Erbolat Dosaevtyń jaýaby:
- Birinshiden, bizde PIK jumysyna memlekettik aýdıt júrgizýge múmkindik joq. PIK – bul bir kezderi sizder qurǵan ózin-ózi basqarý organy. Siz óz erkińizben úıińizge, kireberisińizge, aýlańyzǵa qyzmet kórsetýge aqsha berdińiz. Eger barlyǵy aýlanyń jaqsy ári taza bolýyna, shamdardyń janyp, kútimde bolýyn qalasa, biz qarsy emespiz. Qosymsha usynysyńyzdy jazbasha túrde berseńiz bolady.
Bıyl biz úıishilik aýmaqtardy tazartýǵa 8,6 mlrd teńge bóldik. Búgin MIB pen TS munymen aınalyspaıdy. Jekelegen jaǵdaıda men tapsyrma beremin: sizderdiń dırektorlaryńyzdy tabýǵa jáne bárin retke keltirýge kómektesemiz. Biraq turǵyndar ózderi jınalyp, qandaı aýlany qalaıtynyn anyqtamasa, biz olar úshin sheshe almaımyz.
Quqyqtyq saýattylyq máseleleri boıynsha: MIB pen TS degen ne, ádilet departamentiniń zańgerleri, jeke kompanıalar zań kómegin kórsetip, sizderdiń qandaı quqyqtaryńyz bar, ne isteýge bolatynyn túsindirýi úshin qajetti qarjyny bólýǵa tapsyrma beremin.