«Medeýge» kirý tek Ashyq qosymshasy arqyly júzege asyrylady
Qaladaǵy sanıtarlyq-epıdemıologıalyq ahýaldy eskere otyryp, muz aıdynynda bir mezgilde 2 500-ge jýyq adam bola alady. Muz aıdynynyń jobalyq syıymdylyǵy – 8 600 adam, onyń 30%-y – 2 580 adam.
«Medeýge» kirý tek Ashyq qosymshasy arqyly júzege asyrylady. Bıletterdi tek onlaın rejıminde satyp alýǵa bolady.
Ótken jylmen salystyrǵanda seanster uzartyldy jáne 3 saǵatqa ulǵaıdy. Demalys jáne mereke kúnderi keshki seans saǵat 00.00-ge deıin uzartyldy. 7 jasqa deıingi balalar, kópbalaly otbasylardyń balalary, barlyq sanattaǵy múgedekter men zeınetkerler tegin kirý quqyǵyna ıe.
Oqýshylar men stýdentter úshin bılet quny bıyl ózgergen joq. Muz aıdynyna barǵan kezde jumys kúnderi tańǵy seanstarda balalar úshin bılet quny 400 teńge, stýdentter úshin – 600 teńge. Demalys jáne mereke kúnderi keshki seanstarǵa kirý bıletteri azamattardyń basqa sanattary úshin 2 800 teńge turady.
Aıta keterligi, endi qala turǵyndaryna tanymal muz aıdynyna jetý yńǵaıly bolady, qala ákimdiginiń bastamasymen №12 avtobýstyń baǵyty uzardy,endi sońǵy avtobýs «Medeýden» qalaǵa saǵat 00.30-da shyǵady.
Budan ózge, «Balýan Sholaq sport saraıy – «Medeý» muz aıdyny baǵyty boıynsha ekspress avtobýstyń jumysy qaıta jandandy. Bastapqy kezeńde ekspress demalys jáne mereke kúnderi saǵat 9.00-den 19.00-ge deıin júredi, jol júrý quny – 200 teńge.