Bul týraly Almatynyń seısmıkalyq qaýipsizdik jáne jumyldyrý daıyndyǵy basqarmasy basshysynyń mindetin atqarýshy Batyrhan Súleımenov aıtty, dep habarlaıdy aqshamnews.kz.
Basqarma bazasynda seısmologtar men sarapshylar engen ǵylym jáne tehnologıalar boıynsha keńes qurylǵan. Vedomstvo bul keńestiń talqylaýyna «halyqty avtomatty túrde eskertý júıesin 5,5 magnıtýdasynan keıin qosý qanshalyqty durys» degen suraqty shyǵarǵan.
— Bastapqyda 5,5 magnıtýdasy boıynsha eskertý jasaý kerek dep aıtylǵan. Biraq magnıtýda epısentrde ólshenedi, al epısentr Qytaıda, Qyrǵyzstanda ne Almaty oblysynda bolýy múmkin. Sondyqtan bul suraqty talqyǵa shyǵardyq. Uzaq pikirtalastan keıin Seısmologıalyq baıqaý jáne zertteýler ulttyq ǵylymı ortalyǵymen birge araqashyqtyqty anyqtaýymyz kerek degen qorytyndyǵa keldi, — dedi Batyrhan Súleımenov.
Aıtýynsha, jer silkinisiniń epısentri qaladan 100 shaqyrym jerde bolsa, onda eskertý júıesi úshin eń tómengi magnıtýda — 1 bolǵany, eger jer dúmpýi 200 shaqyrymnan alysta bolsa, shegi odan joǵary bolǵany jón.
— Óıtkeni araqashyqtyq alys bolǵan saıyn seısmıkalyq qaýip tómen bolady. Jaqyn arada seısmologıa ınstıtýty ǵylymı negizde óz qorytyndysyn usynady. Soǵan deıin avtomattandyrylǵan erte eskertý júıesi men MasAlert jedel eskertý júıesi túzeledi, — dedi ol.