10 tamyzdan bastap Qazaqstanda koronavırýsqa qarsy vaksına saldyrý boıynsha azamattardy jumys oryndarynda ishinara tekserý bastalady. Vaksına salǵyzbaı jumysqa shyqqandardy ne kútip tur, olarǵa aıyppul salynatyny ras pa, aıyppuldyń mólsheri qansha?
Birinshiden, qyzmetker ekpe salǵyzbasa aıyppul jumys berýshige salynady. Al ekpe salǵyzbaǵan qyzmetkerge aıyppul salynbaıdy.
-
Jeke tulǵalar men jalǵyz jumys isteıtin jeke kásipkerge – 5 AEK (14 585 teńge);
-
Laýazymdy tulǵalarǵa – 15 AEK (43 755);
-
Shaǵyn kásipkerlik nemese komersıalyq emes uıymdar sýbektilerine – 100 AEK (291 700);
-
Orta kásipkerlik sýbektilerine – 200 AEK (583 400);
-
İri kásipkerlik sýbektilerine – 500 AEK (1458 500).
Alaıda, ol azamat ózi qurǵan jeke kásipkerlikte jalǵyz qyzmetker bolsa, onda jumys ornyna ekpe saldyrmaı kelgeni úshin oǵan jeke tulǵa retinde 5 AEK kóleminde aıyppul salynady.
Sondyqtan ekpe saldyrmaǵan qyzmetkerler ár apta saıyn PTR-test tapsyrýy qajet. Al eger qyzmetker medısına turǵysynan dáleldi sebebi bar bolsa nemese úsh aı buryn koronavırýspen aýyrsa, ekpe salǵyzbaıdy.