Mas júrgizýshi polısıa qyzmetkerin qaǵyp ketti
Bul fakt tún ortasynda oryn aldy, dep habarlaıdy Almaty-akshamy.kz Polisia.kz-ke silteme jasap.
«Býran-227» patrúldik ekıpajy Qabanbaı batyr kóshesinde quqyq qorǵaý qyzmetin atqarý kezinde qarama-qarsy baǵyttaǵy jolaqta kele jatqan Hyundai avtokóligin baıqady. Polısıa qyzmetkerleriniń talaptaryna kólik júrgizýshisi mán bermedi. Kerisinshe, olardan qasha bastady. Birden radıostansıa arqyly patrúldik jasaqtarǵa kórsetilgen kólikke baǵdar berildi jáne onyń qozǵalysynyń koordınattary dereý taratyldy. Talǵar qalasynyń baǵytyndaǵy ekologıalyq postta qyzmet etip turǵan polısıa aǵa leıtenanty Meıirjan Bısembaev quqyq buzýshyny toqtatýǵa tyrysty, ol toqtamastan, ınspektordy tolyq jyldamdyqpen qaǵyp ketti. Eki aıaǵynyń synýy, ishki músheleriniń jarylýy, bas súıeginiń jabyq jaraqatymen polısıa qyzmetkeri aýrýhanaǵa jatqyzyldy. Hyundai júrgizýshisi ustaldy», – dedi Almaty qalalyq PD jergilikti polısıa qyzmeti basqarmasynyń bastyǵy Manap Sattarov.
Quqyq buzýshy – 1962 jyly týǵan Ý.esimdi azamat. Onyń kólikti mas kúıinde basqarǵany anyqtaldy.
Bul fakt QR QK-niń 346-baby boıynsha sotqa deıingi tergeýdiń biryńǵaı tizilimine tirkeldi.