Almatynyń qala qurylysyn baqylaý basqarmasynyń habarlaýynsha, Kýrılskaıa kóshesi, 11-úı boıyndaǵy eki qabatty ǵımarat zańsyz turǵyzylǵan, dep habarlaıdy aqshamnews.kz
Buǵan deıin Danil JK turǵyn emes úı-jaıdyń menshik ıesine qatysty jospardan tys tekserý aıasynda oryn alǵan buzýshylyqtardy joıýǵa nusqama bere otyryp, ákimshilik sharalar qabyldanǵan bolatyn.
Nusqamanyń talaptaryn oryndamaýy saldarynan Basqarma obektini buzý úshin Mamandandyrylǵan aýdanaralyq ekonomıkalyq sotqa talap aryz berdi.
2024 jylǵy 14 mamyrda Basqarmanyń talap-aryz talaptary qanaǵattandyryldy. Nysandy buzý búgin sot oryndaýshylarynyń qatysýymen bastaldy.
Esterińizge sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 51 zańsyz nysan, onyń ishinde «Mechta», «KHAN», «Alma Garden» turǵyn úı keshenderi jáne basqalary tolyǵymen nemese ishinara buzyldy.