Almatylyqtar halyqqa qyzmet kórsetý ortalyqtarynan qyzmet alýǵa úlgermeı qalatyndaryn aıtyp shaǵymdanýda. Osyǵan oraı, qyzmet alýshylardyń talap-tilekterin eskere otyryp, Almatyda «Kezekshi HQO» ashyldy, dep habarlaıdy Almaty-akshamy.kz.
«Saǵat 09:00-den 18:00-ge deıingi aralyqta qyzmet alyp úlgermegen azamattar Almaty qalasy, Bógenbaı batyr kóshesi, 221 mekenjaıynda ornalasqan Almaly aýdandyq HQO-ǵa júgine alady. Qujattandyrýdan basqa barlyq qyzmetter saǵat 20.00-ge deıin kórsetiledi. Al, avtokólik ıeleri úshin Túrksib aýdany, Qulja tasjoly, 9 km «Kerýen» toıhanasy ǵımaratynda ornalasqan Halyqqa qyzmet kórsetý boıynsha mamandandyrylǵan №5 bólimi 2 saǵatqa uzaǵyraq jumys isteıdi», - dep habarlady «Azamattarǵa arnalǵan úkimet» memlekettik korporasıasy Almaty qalasy fılıalynda.
Sondaı-aq, fılıalda memlekettik qyzmetterdiń 90 paıyzyn elektrondy túrde alýǵa bolatynyn eske saldy.
Aıta keteıik, «Azamattarǵa arnalǵan úkimet» memlekettik korporasıasy Almaty qalasy fılıalynyń front-ofısteri dúısenbi – juma kúnderi saǵat 09:00-18:00 aralyǵynda jumys isteıdi.