Almatyda 1 tamyzdan bastap turǵyndar jylý jáne ystyq sýmen jabdyqtaý boıynsha qaryzyn ósimpulsyz óteı alady.
Almatyda «Almaty jylý júıesi» JSHS «Qaryzdy tóle – ósimpuldy alyp tastaımyz!» atty aksıany bastaıdy. Bastama jylý jáne ystyq sý úshin bereshegin óteýge nıetti tutynýshylarǵa aıyppulsyz tóleýge múmkindik beredi.
Aksıa 2025 jyly 1 tamyzdan 31 jeltoqsanǵa deıin jalǵasady jáne mynadaı múmkindikter beredi: ósimpuldan únemdeý, múlikke qoıylǵan shekteýler men tyıymdardy alyp tastaý, qaryzy úshin sanksıa salynǵan boryshkerlerdiń bank shottaryn buǵattan shyǵarý.
Aksıaǵa qatysý úshin qajetti qujattar týraly málimetti boryshker AlJJ anyqtama qyzmetinen myna telefon arqyly bile alady: 341-07-77; WhatsApp: +7 (701) 027-11-20 (tek habarlama qabyldaıdy); elektrondy poshta: info@alts.kz nemese tutynýshylarǵa qyzmet kórsetý ortalyqtarynyń (TQKO) birine baryp ala alady.
TQKO mekenjaılary men baılanys derekteri:
* «Batys» TQKO (Alataý, Áýezov, Naýryzbaı aýdandaryna qyzmet kórsetedi) – «Aqsaı-4» shaǵynaýdany, 51-B, telefondary: 341-05-30, 341-05-31, WhatsApp: +7 (701) 300-70-69, e-mail: batys@alts.kz;
* «Ortalyq» TQKO (Almaly, Bostandyq aýdandary) – Sh.Shókın kóshesi, 221-V, telefondary: 341-05-28, 341-05-29, WhatsApp: +7 (701) 300-70-65, e-mail: ortalyc@alts.kz;
* «Shyǵys» TQKO (Jetisý, Medeý, Túrksib aýdandaryna qyzmet kórsetedi) – Tólebaev kóshesi, 26, telefondary: 341-05-32, 341-05-33, WhatsApp: +7 (701) 300-70-54, e-mail: shygis@alts.kz.
Qaryz tólenbegen jaǵdaıda boryshkerler jylýmen jabdyqtaý qyzmetinen ajyratylyp, qaryz somasy sot arqyly óndiriledi.