«Almaty jylý jelilerine» qala turǵyndarynyń qaryzy 1,3 mlrd teńgege jetken
Bul týraly Óńirlik komýnıkasıalar qyzmetiniń brıfıńinde «Almaty jylý jelileri» JSHS («AlTS» JSHS) bas ınjeneri Danıar Qazymbetov aıtty, dep habarlaıdy Almaty-akshamy.kz.
Eske salaıyq, megapolıste jylytý maýsymy 17 qazanda bastalǵan bolatyn. Komýnaldyq mekemeler 8467 kópqabatty turǵyn úıdi, 216 mektepti, 197 balabaqshany, 129 aýrýhanany tekserip, jylytý maýsymy bastalmas buryn aldyn ala daıyndyq jumystaryn júrgizdi.
«Qazir jylytý maýsymy qalypty jaǵdaıda ótýde, temperatýralyq jáne gıdravlıkalyq rejımder kestege sáıkes saqtalýda», - dedi D.Qazymbetov.
Komýnaldyq qyzmet málimeti boıynsha, 2022-2023 jyldardaǵy jylý berý kezeńinde 1352,33 km jylý jelileri aldyn ala daıyndaldy. Onyń 60%-nyń tozyǵy jetken(811,5 km) (25 jyldan astam ýaqyt paıdalanylǵan). Bıylǵy jyly 4,7 shaqyrym jylý jelileri qaıta jańǵyrtyldy. Jylý jelilerin rekonstrýksıalaý esebinen, olardyń tozýyn 0,3%-ǵa deıin tómendetýge qol jetti. 2023 jyly 17,2 shaqyrym jylý jelilerin rekonstrýksıalaý josparlanyp otyr.
Aıta ketý kerek, jylytý maýsymy bastalǵaly «AlTS» JSHS joǵary daıyndyq rejımine kóshti. Jóndeý jumystaryna táýlik boıy jumys isteıtin 4 jedel brıgada (98 adam), 12 jóndeý brıgadasy (139 adam) jumyldyrylǵan. 64 birlik arnaıy tehnıka osy iske tartylǵan.
Jýrnalıserdiń suraqtaryna jaýap bergen Danıar Qazymbetov Almaty turǵyndarynyń «Almaty jylý jelilerine» shamamen 1,3 mlrd teńge qaryz ekenin aıtty.
Sondaı-aq brıfıńte «Almaty elektr stansıalary» AQ («AlES» AQ) bas ınjeneri Ǵazız Ismuhambetov sóz sóılep, jumysta aýytqýlarǵa jol bermeıtinin, 30 kúnge jetetin jylý (otyn) qory (normatıv boıynsha 20 kún) baryn aıtty. Gazǵa qatysty da eshqandaı másele joq.