Qazir komısıa jumys istep jatyr.
Qazaqstan úkimetiniń músheleri Lenın shahtasyndaǵy apatty tekserýdiń qorytyndylary qarashanyń 23 kúni jarıalanatynyn aıtty, dep habarlaıdy Almaty-akshamy.kz QazAqparatqa silteme jasap.
«23 qarashada qorytyndy beremiz. Biz BAQ ókilderin jınap tergep-tekserýdiń qorytyndysyn jarıalaımyz. Qazir komısıa jumys istep jatyr», - dedi QR Tótenshe jaǵdaılar mınıstri Iýrıı Ilın.
Esterińizge sala keteıik, 3 qarashada «ArselorMıttal Temirtaý» AQ Kómir departamentiniń Lenın shahtasynda apat bolyp, 5 kenshi qaza tapty.
TJ faktisi boıynsha QR QK 277-babynyń 3-bóligi («Taý-ken nemese qurylys jumystaryn júrgizý kezinde qaýipsizdik erejelerin buzý») boıynsha qylmystyq is qozǵaldy.
Memleket basshysy «ArselorMıttal Temirtaý» kásipornynda apattar jıilep, qaıtalana beretin jaǵdaıǵa jetkenin aıtyp, kompanıaǵa tekserý júrgizý kerektigi týraly aıtqan bolatyn.
Jalpy Lenın atyndaǵy shahta iske qosylǵan 1964 jyldan beri 69 adamnyń ómiri qıylǵan.