Buǵan azyq-túlik taýarlarynyń qymbattap jatqany da sebep bolǵan.
Úkimet basshysy azyq-túlik baǵasyna baılanysty ákimdikterdi synǵa aldy, dep habarlaıdy Almaty-akshamy.kz
Premer-mınıstr Álıhan Smaıylov memlekettik organdar Qazaqstanda ınflásıany tejeý úshin jetkilikti sharalar qabyldamaı otyrǵanyn aıtty.
Smaıylovtyń aıtýynsha, oń dınamıkany saqtaý úshin ekonomıkany odan ári ártaraptandyrý, ınvestısıa tartý jáne turaqty jumys oryndaryn qurý boıynsha jumysty jandandyrý qajet.
«Aımaq ákimdikteri josparlanǵan kórsetkishterdi ustanyp, ınvestısıa tartý jáne qoldaý jumystaryn kúsheıtip, ınvestısıalyq jobalardyń iske asyrylý barysyna turaqty monıtorıń júrgizip otyrýy kerek. Sondaı-aq, baǵanyń ósýin tejeýge basa nazar aýdarý qajet», - dedi Smaıylov.
Sonymen qatar, Úkimet basshysy qazanda ınflásıa údep ketkenin atap ótti.
«Bul úderiske eń úlken úles - azyq-túlik taýarlarynyń qymbattap jatqanynan. Bul, eń aldymen, ákimdikter tarapynan qabyldanyp jatqan sharalardyń jetkiliksizdigin kórsetedi. Óńirler jyl aıaǵyna deıin josparlanǵan áleýmettik-ekonomıkalyq damý kórsetkishterine qoljetkizip, Memleket basshysy alǵa qoıǵan mindetterdiń tıimdi oryndalýyn qamtamasyz etýi qajet. Jyldyń aıaqtalýyna eki aıdan az ýaqyt qaldy. Barlyq jobalardy aıaqtap, josparlardy júzege asyrýǵa, búdjetti tıimdi paıdalanýǵa kúsh salýymyz kerek», - dedi Premer-mınıstr.