Onyń 15 600-i memlekettik baǵdarlamamen ashylǵan jumys bolsa, 17 myńnan astamy - jeke kásipkerlik sýbektilerdiń ashqan jumys oryndary.
Bul týraly búgin Almaty qalasy óńirlik komýnıkasıalar qyzmetiniń alańynda ótip jatqan baspasóz máslıhatynda Almaty qalasy áleýmettik ál-aýqat basqarmasy basshysynyń orynbasary Danıar Álkebaıuly málimdedi, dep habarlaıdy Almaty-akshamy.kz
Almatyda áleýmettik osal toptardy qorǵaý, halyqty jumyspen qamtý memlekettiń saıasatymen úndes júzege asyrylyp keledi.
«2021 jyly «Eńbek» memlekettik baǵdarlamasy boıynsha 13 myńnan astam adamdy jumyspen qamtımyz dep josparlap otyrmyz. 25 myń adam ortalyqqa jumys izdep kelgen, onyń ishinde 17300 adam jumyspen qamtylǵan. Tolyǵyraq aıtar bolsam, 7700 adam turaqty, 8300 adam ýaqytsha jumyspen qamtyldy. Óz bıznes ıdeıalaryn iske asyram deýshilerge 200 AEK kóleminde 1000 grant bólindi, 493 adam osy grantty alyp, jumystaryn bastap ketti. Qalǵany jyldyń sońyna deıin tapsyrylady», -dedi áleýmettik ál-aýqat Basqarmasy basshysynyń orynbasary.
Danıar Álkebaıulynyń aıtýynsha, jumyssyzdarǵan arnalǵan qysqa merzimdi kýrstar da bar, ony oqyp bitirgen turǵyndar jumyspen qamtylady.
2020 jyly bastalǵan daǵarysqa qarsy sharanyń biri – Jumyspen qamtý jol kartasy. Ol boıynsha 259 adam jumyspen qamtyldy, ári qaraı da jalǵasyn tabady. Basqa da memlekettik baǵdarlamalar boıynsha jańa jumys oryndary ashylady. Búgingi tańda 32 myńǵa jýyǵy ashyldy, onyń 15600 memlekettik baǵdarlamamen ashylǵan jumys bolsa, 17 myńnan astamy jeke kásipkerlik sýbektilerdiń ashqan jumys oryndary.