Almatyda mamandandyrylǵan qalalyq balalar klınıkalyq ınfeksıalyq aýrýhanasynda (QBKIA) balalarǵa táýlik boıy kómek kórsetiledi. Aýrýhana negizgi korpýs pen eki fılıaldan turady. Uıym 0-den 18 jasqa deıingi balalarǵa ınfeksıalyq aýrýlar boıynsha shuǵyl túrde, tegin medısınalyq kómektiń kepildik berilgen kólemi (TMKKK) aıasynda qyzmet kórsetedi. Bul týraly Almaty qalasy Qoǵamdyq densaýlyq basqarmasy basshysynyń orynbasary Láıla Imanǵalıeva óńirlik komýnıkasıalar qyzmetiniń alańynda málimdedi.
QBKIA-da táýlik boıǵy stasıonardyń 719 tósegi jumys isteıdi. Negizgi korpýs (Baızaqov kóshesi, 299 «A») 360 tósekke eseptelgen jáne Bostandyq, Medeý, Almaly men Áýezov aýdandaryna qyzmet kórsetedi. Modýldik ınfeksıalyq stasıonar (Terekti yqsham aýdany, Tashkent traktisi, 541) 270 tósekpen Alataý jáne Naýryzbaı aýdandaryn qamtıdy. Saıaly yqsham aýdanyndaǵy fılıalda 147 tósek bar jáne Túrksib, Jetisý jáne Alataý aýdanynyń bir bóligine medısınalyq kómek kórsetiledi.
«Balalarǵa JRVI men tumaýǵa qarsy em júrgizý úshin QBKIA-da 536 tósekke arnalǵan 14 bólimshe ashylǵan, olardyń ishinde 48 reanımasıalyq tósek bar. Sońǵy aptadaǵy tósek qorynyń júktemesi shamamen 51%-dy quraıdy. Qajet bolǵan jaǵdaıda epıdemıologıalyq jaǵdaıǵa baılanysty qosymsha qordaǵy 92 tósek ashylýy múmkin», – dedi Láıla Imanǵalıeva.
Stasıonarǵa júkteme boıynsha balalar arasynda birinshi orynda tumaý men JRVI, ekinshi orynda pnevmonıa tur. 2025 jyldyń 17 qarashasyndaǵy jaǵdaı boıynsha QBKIA stasıonarlarynda JRVI jáne tumaýmen 274 bala em alyp jatyr, olardyń 139-ynda pnevmonıa dıagnozy qoıylǵan. Aýrýhanada ınfeksıalardy jedel anyqtaýǵa múmkindik beretin zerthana bar.
S. Jekenova atyndaǵy qalalyq klınıkalyq ınfeksıalyq aýrýhanada eresek turǵyndarǵa medısınalyq kómek kórsetiledi. Munda JRVI jáne tumaýmen aýyratyndarǵa arnalǵan 280 tósegi bar 5 bólimshe jumys isteıdi, onyń ishinde 9 tósek – reanımasıada. Qajet bolǵan jaǵdaıda qosymsha 100 tósek ashylýy múmkin. 2025 jyldyń 17 qarashasyndaǵy jaǵdaı boıynsha stasıonarda 203 JRVI dıagnozy bar pasıent jáne pnevmonıamen 6 eresek naýqas em qabyldap jatyr.
№4 qalalyq perzenthanada júkti áıelderge mamandandyrylǵan kómek kórsetiledi. Júkti áıelderge (28 aptadan joǵary merzimde) JRVI jáne tumaý boıynsha em júrgizýge arnalǵan 70 tósek ashylǵan, olardyń ishinde 6 tósek – reanımasıalyq. Epıdemıologıalyq jaǵdaıdyń ózgerýine qaraı qosymsha 10 rezervtik tósek ashýǵa múmkindik bar.
Qoǵamdyq densaýlyq saqtaý basqarmasy tósek-oryn qorynyń tolymdylyǵyn baqylap otyrady. Infeksıalyq stasıonarlarda rezervtik tósek qory qarastyrylǵan. Qajet bolǵan jaǵdaıda tósek sanyn jedel arttyrýǵa bolady. Medısınalyq uıymdar tósek qoryn qaıta beıindeý jáne pasıentterdi baǵyttaý josparlaryn ázirlegen, bul epıdemıologıalyq jaǵdaıǵa ıkemdi áreket etýge jáne júıeniń shamadan tys júktelýin boldyrmaýǵa múmkindik beredi. Aýrýshańdyq pen gospıtalızasıa boıynsha kún saıyn baqylaý jasalady.
«Emhanalar deńgeıinde pasıentterge JRVI jáne tumaý boıynsha kómek «fıltr-kabınetter» arqyly kórsetiledi, onda ınfeksıa belgileri bar adamdardy qabyldap, aýrýdyń taralý qaýpin azaıtady. Sondaı-aq úıge shyǵatyn mobıldi brıgadalar jumys isteıdi. Bastapqy medısınalyq sanıtarlyq kómek júıesi maýsymdyq syrqattanýdyń ósý kezeńinde kúsheıtilgen baqylaýmen josparly rejımde qyzmet atqarady», – dep atap ótti spıker.
Erekshe kóńil júkti áıelder men bir jasqa deıingi balalarǵa erekshe kóńil bólinedi. Bul sanattaǵy pasıentter úıge shaqyrtqanda birinshi kezekte qabyldap, turaqty patronaj jáne qajet bolǵan jaǵdaıda ýaqtyly gospıtalızasıa qamtamasyz etiledi. Medısınalyq qyzmetkerlerge kómek kórsetý algorıtmderi, qarsyepıdemıalyq rejımdi saqtaý jáne pasıentterdi stasıonarlarǵa baǵyttaý boıynsha oqý semınarlary ótkizildi.
Turǵyndar aýrýdyń aldyn alýdyń is-sharalaryn saqtaýy kreek: naýqastarmen baılanystan aýlaq bolyp, qoǵamdyq oryndarda maska taǵyp, qoldy jıi jýyp, ımýnıtetti kúsheıtip, aýyrǵan balalardy mektep pen balabaqshaǵa jibermeýi kerek.
Dárilik zattarǵa qatysty: qazirgi tańda dári-dármek pen jeke qorǵanys quraldarynyń tapshylyǵy baıqalmaıdy. Barlyq medısınalyq uıymdar qajetti vırýsqa qarsy preparattarmen, qyzý túsiretin dárilermen, ımmýnomodýlátorlarmen, dárýmendermen, sondaı-aq reanımasıalyq jabdyqtarmen, dezınfeksıalyq jáne jeke qorǵanys quraldarymen qamtamasyz etilgen.
Medısınalyq uıymdar kúsheıtilgen jumys rejımine aýystyryldy, bul epıdemıologıalyq maýsym kezeńinde pasıentterge turaqty kómek kórsetý úshin dári-dármekter men qorǵanys quraldarynyń jetkilikti deńgeıde bolýyn qamtamasyz etedi.