Oqytýdyń maqsaty - adamdar kóp shoǵyrlanǵan jerlerde terorıstik qaýip-qater týyndaǵan kezde ózara árekettesý daǵdylaryn mashyqtandyrý.
16 shilde kúni Almatynyń Bostandyq aýdanynda, Orbıta-3 shaǵynaýdanynyń 5 ǵımaraty, N145 jalpy bilim beretin mektepte saǵat 06:00-den 13:00-ge deıin sanıtarlyq-epıdemıologıalyq standarttarǵa sáıkes josparlanǵan antıterrorlyq oqytýlar ótkiziledi, dep habarlaıdy Almaty-akshamy.kz.
Mamandar osyǵan baılanysty azamattardy júrgizilip jatqan is-sharalarǵa túsinistikpen qaraýǵa, qaýipsizdik sharalaryn saqtaýǵa jáne oqytýǵa qatysqan memlekettik qyzmetkerlerdiń zańdy talaptaryn oryndaýǵa shaqyrdy.
«Bilim berý mindetteri terorızmge osal nysandardaǵy terorızm aktisiniń jolyn kesý mehanızmin jetildirýge baǵyttalǵan. Sonymen qatar, oqytý kezinde shekteý sharalary qarastyrylatynyn habarlaımyz. Rastalmaǵan aqparatty nemese foto jáne vıdeo keskinderdi jarıalaýdan aýlaq bolýlaryńyzdy suraımyz. Buqaralyq aqparat quraldaryn nemese telekomýnıkasıa jelilerin paıdalana otyryp, ádeıi jalǵan aqparat taratý QR QK-niń 274 babyna sáıkes zańmen qýdalanatynyn eske salamyz», – delingen Almaty qalasynyń terorızmge qarsy jedel shtabynyń habarlamasynda.
Sonymen qatar, mamandardyń aıtýynsha, QR «Ákimshilik quqyq buzýshylyq týraly» Kodeksiniń 443-babyna sáıkes, qoǵamdyq tártipti qamtamasyz etýge qatysatyn adamnyń zańdy talabyna baǵynbaý ákimshilik jaýapkershilikke ákelip soqtyratynyn eskerý qajet.