Almatyda “Jol qozǵalysy qaýipsizdigi aptalyǵy” ótip jatyr, – dep habarlaıdy almaty-akshamy.kz Polisia.kz. silteme jasap.
13-19 qarasha aralyǵynda Almatyda “Jol qaýipsizdigi aptalyǵy” profılaktıkalyq naýqany ótip jatyr. Uıymdastyrýshylyq máselelerdi jedel sheshý jáne is-sharalardy basqarý úshin arnaıy shtab quryldy. Ony júzege asyrýǵa jergilikti polısıa qyzmetiniń, ákimshilik polısıanyń qyzmetkerleri, jurtshylyq pen múddeli memlekettik organdardyń ókilderi jumyldyryldy.
Polisia.kz
Dóńgelek ústelder, semınarlar, konferensıalar ótkizý arqyly jol qozǵalysy qaýipsizdiginiń negizderi boıynsha aqparattyq-túsindirý jumystaryn júrgizý josparlanýda. Bul is-sharalardyń árqaısysynyń profılaktıkalyq sıpattaǵy óz ataýy bolady. Mysaly, “Qamqor ana”, “Sizdiń jolaýshyńyz – bala”, “Stýdenttik ıdeıalar men bastamalar”, “Úzdik avtomektep”, “Júrgizýshige hat”, “Biz ómirge senemiz”, “Dúnıejúzilik JKO qurbandaryn eske alý kúni”.
Basty maqsat – jol qozǵalysy erejelerin buzýdy joıý, jol qozǵalysy erejelerin eske túsirý, olardyń negizgi talaptaryn jol qozǵalysyna qatysýshylarǵa, ásirese óskeleń urpaqqa jetkizý.
– Bizdiń basty mindetimiz – kólik qozǵalysynyń qarqyndylyǵy jaǵdaıynda mektep oqýshylarynyń jol qozǵalysyna qatysý qaýipsizdigin barynsha arttyrý jáne olardyń iri qala joldarynda qaýipsizdigin qamtamasyz etý. Tájirıbe kórsetkendeı, qarańǵyda kóliktiń faralaryna jypylyqtaıtyn jaıaý júrginshi 150-400 metr qashyqtyqta kórinedi. Sonymen qatar júrgizýshiniń tejeýge ýaqyty jetkilikti, – dedi naýqandy uıymdastyrýshylar.