Almaty turǵyndarynyń uıaly telefondaryna jer silikinisinen habardar etetin dabyl belgisi iske qosyldy, - dep habarlaıdy Aqshamnews.kz.
"Málimetter naqtylanýda. Aldyn ala aqparat boıynsha seısmıkalyq jaǵdaı Almaty qalasynda tirkeldi. Seziletindigi týraly málimetter anyqtalyp jatyr," -delingen TJM málimetinde.
TJM habarlaýynsha, seısmodachıkterdiń derekteri boıynsha Qyrǵyzstan aýmaǵynda Almatydan 135 km qashyqtyqta ońtústik batysqa qaraı seısmıkalyq oqıǵa tirkeldi, ol halyq pen ınfraqurylym nysandaryna qaýip tóndirmedi.
Seısmıkalyq oqıǵa týraly habarlama avtomatty túrde qalyptastyryldy. Bul habarlama júıeniń testilik-is rejıminde jumys isteýiniń bir bóligi bolyp tabylady sondaı aq qate emes.
Ulttyq seısmologıalyq baqylaý jáne zertteý ortalyǵynyń dachıkteri men jabdyqtaryn MassAlert jappaı habarlaý júıesine ıntegrasıalaý jumystary jalǵasýda.
Mamandar seısmıkalyq stansıalar men dachıkterdi zerttep, oqıǵanyń barlyq mán-jaıyn anyqtaýda.
Halyqqa joldanatyn habarlamalar bolashaqta barynsha naqty ári túsinikti bolýy úshin parametrler men algorıtmderdi naqtylaý jáne baptaý jumystary júrgizilip jatyr.
