Almatyda 9 mamyr qarsańynda qalanyń ár aýdanynda konserttik baǵdarlamalar, memorıaldarǵa gúl shoqtaryn qoıý, áskerı tehnıka kórmeleri jáne áskerı-dala asqanasy ótedi.
İs-sharanyń qurmetti qonaqtary Uly Otan soǵysynyń ardagerleri bolady, olar Jeńis kúnine deıin 1 mln teńge kóleminde birjolǵy tólem alady, dep habarlaıdy Almaty-akshamy.kz
Merekeleý aıasynda Uly Otan soǵysyna qatysýshylardyń portretteri bar bılbordtardy ornalastyrý, qalany merekelik bezendirý josparlanýda.
Mereke kúnderi qala ákimdigi 50 myń «Jeńis lentasyn» taratýdy uıymdastyrady. Olardy 28 gvardıashyl-panfılovshylar atyndaǵy saıabaqta, Ortalyq mádenıet jáne demalys saıabaǵynda jáne is-sharalar ótetin basqa da oryndarda alýǵa bolady.
Ardagerlerdi quttyqtaýǵa qalanyń etnomádenı birlestikteri qatysady, olar óz tarapynan materıaldyq kómek, azyq-túlik sebetterin, dári-dármekter men birinshi kezekte qajetti zattardy daıyndady.
5-8 mamyr aralyǵynda ardagerler turatyn qalanyń turǵyn úı kvartaldarynda, shaǵyn aýdandarynda áskerı orkestrdiń qatysýymen konsertter ótedi. Qala ákimi, onyń orynbasarlary, aýdan ákimderi, máslıhat depýtattary ardagerlerge baryp, olardy merekemen quttyqtaıdy dep josparlanýda.
Mereke kúni 9 mamyr kúni saǵat 9.30-da 28 gvardıashyl-panfılovshylar atyndaǵy saıabaqta Máńgilik alaýǵa gúl shoqtaryn qoıý rásimi ótedi. Onda zamanaýı qazaqstandyq áskerı tehnıka men qarý-jaraq kórmesi uıymdastyrylady. Uly Otan soǵysynyń ardagerleri men tyl eńbekkerlerine áskerı-dalalyq asqanamen merekelik túski as berý josparlanǵan. Saıabaqta merekelik konsert ótedi.
9 mamyr kúni saǵat 9.30-da «Batyrlarǵa taǵzym» aksıasy uıymdastyrylady, onyń aıasynda qala turǵyndary M. Gorkıı atyndaǵy Ortalyq mádenıet jáne demalys saıabaǵynan Gogol kóshesi boıymen 28 gvardıashyl-panfılovshylar parkine deıin júrip ótip, soǵysta qaza tapqandardy eske alý úshin gúlshoqtaryn qoıatyn bolady.
Qala ortalyǵynda ǵana emes, basqa aýdandarda da merekelik sharalar ótedi: 6 mamyr kúni saǵat 11.00-de Alataý aýdany ákimdigi ǵımaratynyń aldyndaǵy alańda aýdan ardagerleri men jastardyń qatysýymen «Er esimi - el esinde» eskertkishine gúl shoqtaryn qoıý rásimi ótedi.
7 mamyrda saǵat 12.00-de «Baqshasaraı» zalynda Bostandyq aýdanynyń ákimdigi merekege arnalǵan saltanatty is-shara uıymdastyrady.
8 mamyr kúni saǵat 11.00-de «Gúlder» saıabaǵynda Jetisý aýdany ákimdigi daıyndaǵan konsert ótedi.
9 mamyr kúni saǵat 10.00-de Naýryzbaı aýdany ákimdigi ǵımaratynyń aldynda «Erliktiń izi óshpeıdi» atty merekelik konsert uıymdastyrylady.
9 mamyrda saǵat 11.00-de Á. Moldaǵulova men M. Mámetova atyndaǵy skverde Almaly aýdanynyń ákimdiginiń 9 mamyr – Jeńis kúnine arnalǵan konserti ótedi.
Dál osy ýaqytta 9 mamyrda Family Park demalys saıabaǵynda Jeńistiń 77 jyldyǵyna arnalǵan taǵy bir konsert bolady.
9 mamyr kúni saǵat 11.00-de S. Seıfýllın atyndaǵy saıabaqta Túrksib aýdanynyń turǵyndary úshin konsert usynylady.
9 mamyr kúni saǵat 14.00-de Medeý aýdanynyń apparaty 28 gvardıashy-panfılovshylar atyndaǵy saıabaqta konsert uıymdastyrady.