Is-sharaǵa 80 túp kóshet ákeldi.
Búgin qazaq kınosynyń ókilderi «Qazaqfılm» kınostýdıasynyń aýmaǵynda tal egip, aksıa ótkizdi. İs-sharaǵa otandyq fılmniń ardageri Asanáli Áshimov bastaǵan maıtalmandar men atalǵan salanyń jas mamandary qatysty, dep habarlaıdy Almaty-akshamy.kz Almaty.tv silteme jasap.
Óz zamanynda Sháken Aımanov bastaǵan bul isti jalǵastyrý – árqaısymyzdyń adamı boryshymyz deıdi jınalǵandar.
«Aǵash ekkenimiz jalpy úlken saýap qoı. Erteń jemis aǵashy bolsa, onyń árbir jemisin jegen saıyn, ekken adamǵa saýap jazylady. Al kóleńkesinde aptyǵyn basyp, demalady», – dedi QR Eńbek sińirgen qaıratkeri, akter Ádil Ahmetov.
«Bul – óte bir ulaǵatty is. Keıingi urpaq úlgi alady. Sondyqtan, sol ónerpazdardy baǵalap jatqan kınostýdıanyń basshysy Aqan Sataevtan bastap, barlyq uıymdastyrýshylarǵa alǵys bildiremin. Elimiz aman bolsyn, zaman tynysh bolsyn», – dedi QR Eńbek sińirgen qaıratkeri, akter Bolat Ábdilmanov.
Aksıany ótkizýge «Qazaqfılm» kınostýdıasynyń basshylyǵymen qatar jastar uıymy nıet bildirgen. Olar búgingi is-sharaǵa 80 túp kóshet ákeldi. İzgi iske atsalysýdy abyroı sanaǵan jastar mundaı aksıa áli de jalǵasady dep senedi.
«10 úıeńki, 10 emen, 10 sıren, 10 pavloná jáne 30 alma aǵashyn ákeldik. Qazaqta jaqsy sóz bar ǵoı: «1 jyldyǵyn oılaǵan halyq bıdaı egedi, 100 jyldyǵyn oılaǵan halyq aǵash otyrǵyzady, al 1000 jyldyǵyn oılaǵan halyq bilimdi urpaq tárbıeleıdi»,– dedi «Bugin Association» qoǵamdyq birlestiginiń tóraǵasy Álibek Qyzaıbaı.