Almatyda Jeltoqsan kóshesiniń bir bóligi ýaqytsha jóndeýge jabylady, - dep habarlaıdy aqshamnews.kz.
BRT (Bus Rapid Transit — avtobýs jolaǵy) jobasyn júzege asyrý aıasynda Jeltoqsan kóshesinde qurylys-montaj jumysynyń júrgizilýine baılanysty kólik qozǵalysy ýaqytsha shekteledi.
Osyǵan baılanysty 24 maýsym kúni saǵat 08.00-den 22.00-ge deıin Shevchenko kóshesinen Tóle bı kóshesine deıingi aralyqta qozǵalys ýaqytsha jabylady. Bul aýmaqty Abylaı han dańǵyly men Naýryzbaı batyr kóshesi arqyly aınalyp ótýge bolady.
Jóndeý jumysy júrgiziletin ýchaskege eskertý belgileri, merdiger uıymnyń baılanys aqparaty bar taqta qoıylady. Baǵytty aldyn ala josparlaýdy suraımyz.
Sonymen qatar kólik qozǵalysyna shekteý qoıylǵany týraly tolyq aqparatty @AlmatyJoly Telegram arnasynda, ákimdiktiń áleýmettik jelileri men 2GIS, «Iandeks kartasynan» kórýge bolady.