Almaty jastary úshin jańa platforma: qatysýshylardyń 70 paıyzy jumysqa ornalasa alady
Almatyda jas mamandardy qoldaý úshin qalalyq mansap ortalyǵy uıymdastyrǵan «Next Generation Leaders» biregeı olımpıadasy bastaldy, dep habarlaıdy aqshamnews.kz
Óńirlik komýnıkasıalar qyzmetiniń brıfıńinde Qalalyq mansap ortalyǵynyń jumys berýshilermen jumys bóliminiń basshysy Aqarys Tórebekov aıtyp ótkendeı, bul joba kadrlyq rezervti qalyptastyrýǵa jáne jastar jumyssyzdyǵynyń deńgeıin tómendetýge baǵyttalǵan.
Olımpıada úsh kezeńnen turady: onlaın testileý, keıs-chempıonat jáne praktıkalyq tapsyrmamen jeke suhbat. Jas mamandar túıindeme jasaýdy, jumys berýshilermen dıalog júrgizýdi jáne ózderiniń kásibı daǵdylaryn kórsetýdi úırenedi.
Tórebekovtyń aıtýynsha, joba qalanyń 15 joǵary oqý ornyn qamtydy jáne qatysýshylardyń 70% - dan astamy barlyq kezeńderden ótkennen keıin jumys taba alady dep kútilýde.
«Next Generation Leaders olımpıadasy» - bul jaı ǵana baıqaý emes, jastardyń áleýetin ashýǵa arnalǵan tolyqqandy alań. Biz árbir túlektiń óz bolashaǵyna senimdi bolǵanyn jáne laıyqty jumys tapqanyn qalaımyz», - dep atap ótti Tórebekov.
Ol bul bastamalar Almatyda jańa múmkindikter jasaýǵa jáne jumyssyzdyq deńgeıin tómendetýge baǵyttalǵan jastardy qoldaýdyń keshendi baǵdarlamasynyń bir bóligi ekenin aıtty.