Almaty qalasynda 2024 jyly jastardy jumyspen qamtý jáne olardyń áleýmettendirilýine baǵyttalǵan birqatar tıimdi baǵdarlamalar júzege asyryldy. Qalada 69,3 myń jas turaqty jáne ýaqytsha jumys oryndaryna ornalastyrylyp, jumysqa ornalastyrý sharalarynyń nátıjesinde jastardyń áleýmettik jaǵdaıy jaqsardy. Bul týraly Óńirlik komýnıkasıalar qyzmetinde brıfıńinde Almaty qalasy Jastar saıasaty basqarmasynyń ókilderi habarlady.
Bul rette joǵary oqý oryndary, kolejder men jumys berýshilerdi biriktirgen qalalyq mansap ortalyǵynyń sheshýshi róli joǵary. İske qosylǵannan beri, Ortalyqqa – 5 myńnan astam jas ótinish bildirip, 4 myńy jumysqa ornalastyryldy.
Sonymen qatar, 2024 jyly qalalyq Mansap ortalyǵynyń ınklúzıvti baǵdarlamasy arqyly 10-nan astam múmkindigi shekteýli jandar jumysqa ornalasty. Baǵdarlama eńbek naryǵynda erekshe qıyndyqtarǵa tap bolǵan jastar úshin teń jaǵdaı jasaýǵa baǵyttalǵan. Qatysýshylar túıindeme jasaýǵa kómek alady, mamandardyń konsýltasıalarynan jáne jumys berýshi-seriktester uıymdastyrǵan oqytýdan óteýsiz negizde ótedi.
Kýrstarǵa sıfrlyq daǵdylardy, komýnıkasıany jáne basqa da suranysqa ıe quzyretterdi damytý kiredi. Ortalyqpen yntymaqtasatyn jumys berýshiler jumys oryndaryn usynyp qana qoımaı, olardy qyzmetkerlerdiń qajettilikterine beıimdep, qolaıly eńbek jaǵdaılaryn qamtamasyz etedi. Jeke tásil baǵdarlamanyń árbir qatysýshysyna kásibı damýdyń eń qolaıly baǵytyn tańdaýǵa múmkindik beredi.
«Inklúzıvti bastama erekshe qajettilikteri bar jastarǵa jumys tabýǵa ǵana emes, sonymen qatar kásibı qoǵamdastyqqa qosylýǵa kómektesetin tıimdiliktiń joaǵy ekenin kórsetedi. Aldaǵy ýaqytta seriktester sany men bilim berý múmkindikterin arttyrý esebinen baǵdarlamany keńeıtý josparlanýda», - dep atap ótti spıker.
Búginde qalalyq Mansap ortalyǵy jastar jumyssyzdyǵynyń deńgeıin tómendetý jáne jas mamandardyń kásibı ósýin qoldaý úshin jumys berýshilermen belsendi yntymaqtastyqty jalǵastyrýda. 300-den astam jumys berýshilermen seriktestik jasaldy, olardyń arasynda BI Group, LG, Qazaqtelekom, Invictus, Alina Group, Sulpak, Lerýa Merlen jáne Magnum GO sıaqty iri kompanıalar bar.
Seriktes jumys berýshiler ortalyqtyń túrli bastamalaryna belsendi qatysady, sonyń ishinde sheberlik synyptaryn ótkizý, bilim berý is-sharalaryna arnalǵan keısterdi ázirleýge qatysý jáne taǵylymdamalardy uıymdastyrýǵa járdemdesý. Bul kompanıalar jastarǵa suranysqa ıe daǵdylardy ıgerýge, eńbek naryǵynyń zamanaýı talaptarymen tanysýǵa jáne praktıkalyq tájirıbe alýǵa kómektesedi. Mundaı yntymaqtastyq oqý oryndary, jumys berýshiler men jas mamandar arasynda berik kópir qalyptastyryp, tabysty jumysqa ornalasýǵa jaǵdaı jasaıdy.
«Biz jastardy qoldaýdyń keshendi júıesin quryp jatyrmyz, osylaısha árkim eńbek naryǵynda óz ornyn taba alady. Bul Almatynyń damý baǵdarlamasynyń mańyzdy bóligi», - dep atap ótti Bekkaırov.