Almatynyń komýnaldyq qyzmetteri kúsheıtilgen jumys rejımine kóshedi
22 qańtarǵa qaraǵan túnnen bastap eki táýlik ishinde Almatyda qar jaýady, keıde qatty jaýady dep boljanýda, dep habarlaıdy aqshamnews.kz Almatynyń komýnaldyq ınfraqurylymdy damytý basqarmasyna silteme jasap.
Qalada kóktaıǵaq bolyp, aýa temperatýrasy tómendeıdi:
• 22 qańtar túnde -7-den -9°S-qa deıin, kúndiz 0-den -2°S-qa deıin;
• 23 qańtar túnde -15-ten -17°S-qa deıin, kúndiz -5-ten -7°S-qa deıin.
Osyǵan baılanysty qalanyń komýnaldyq qyzmetteri kúsheıtilgen jumys rejımine kóshýde. Óndiristik bazalarda táýlik boıy kezekshilik uıymdastyryldy. 204 qum taratqysh qar jaýa bastaǵanǵa deıin ornalasqan jerlerinde kezekshi bolady.
Negizgi magıstraldyq kósheler aldyn-ala suıyq reagenttermen óńdeledi. Táýlik boıy 624 birlik arnaıy tehnıka men 1380 jol jumysshysyn tartý josparlanýda.
Budan basqa, joldardyń qaýipti ýchaskelerinde, túsýlerde, kóterilýlerde, jol aıryqtarynan shyǵatyn joldarda qar kóshkinderiniń ýaqtyly aldyn alý jáne joıý úshin 47 jedel brıgadanyń kúshimen jol jamylǵysynyń jaı-kúıin patrúldeý jónindegi jumys kúsheıtiletin bolady.
Boljamdy muzdanýǵa, joldardyń júris bóligindegi qardyń jaıylýyna, trotýarlardaǵy kóktaıǵaqqa baılanysty avtokólik júrgizýshileri men jaıaý júrginshilerden saqtyq sharalaryn saqtaýdy suraımyz. Júrgizýshilerge jyldamdyqty tómendetýge, avtomobılder arasyndaǵy qashyqtyqty arttyrýǵa jáne ótkir manevrlerden aýlaq bolýǵa keńes beremiz.
Aýdandyq ákimdikterde qar tazartý jumystaryna táýlik boıy monıtorıń júrgizý úshin shtabtar uıymdastyryldy.
Qurmetti jaıaý júrginshiler!
Trotýarlarda abaı bolyńyz, shatyrlardan qar men muzdyń túsý qaýpine baılanysty kópqabatty ǵımarattardan alshaq júrgen jón.
