Jarokov kóshesi men ál-Farabı dańǵylynyń qıylysyndaǵy jolaıyryqtyń ýchaskelerinde ortasha jóndeý júrgizilýine baılanysty kólik qozǵalysyna ýaqytsha shekteý engiziledi.
1-kezeń: 11 tamyz saǵat 22:00-den 12 tamyz saǵat 06:00-ge deıin Isınalıev kóshesinen jolaıyryqtyń ońtústik-shyǵys shyǵysyna deıingi aralyqta qozǵalys jabylady. Sondaı-aq, jolaıyryqtyń soltústik-shyǵys shyǵysy da jabyq bolady.
2-kezeń: 12 tamyz saǵat 22:00-den 13 tamyz saǵat 06:00-ge deıin jolaıyryqtyń soltústik-batys jáne ońtústik-batys shyǵystarynda qozǵalys toqtatylady.
Jóndeý júrgiziletin ýchaskelerde eskertý belgileri men merdiger uıym basshysynyń baılanys derekteri jazylǵan aqparattyq taqtalar ornatylady. Qala turǵyndary men qonaqtarynan jol júrý baǵytyn aldyn ala josparlaýdy suraımyz.
Eske salamyz, qozǵalysqa shekteý týraly barlyq aqparat Telegram-arnada @AlmatyJoly, aýdan ákimdikteriniń áleýmettik jelidegi paraqshalarynda, sondaı-aq, 2GIS jáne Iandeks kartalar servısterinde jarıalanady.