Almatyda Astana alańynda Jańa jyl aýqymdy túrde ári erekshe toılandy, dep habarlaıdy aqshamnews.kz
Astana alańyna jınalǵan Almaty turǵyndary men qala qonaqtary Memleket basshysynyń jańa jyldyq quttyqtaýyn kórip, ile-shala Qazaqstan Respýblıkasynyń memlekettik ánuranyn qosyla shyrqady.
İs-sharanyń sharyqtaý shegi dep 2025 jyldyń alǵashqy sátinde-aq túngi aspandy jarqyratqan ǵalamat otshashýdy aıtýǵa bolady. Jınalǵandar túrli-tústi otshashýlarǵa tamsana qarap, tarıhı sátti qalt jibermeýge tyrysyp, estelikke beınege túsirdi.
Jańa jyldyq konsert barysynda Qazaqstannyń tanymal artıseri óner kórsetti. Olardyń arasynda Chingiz Typhoon, Makvin, Orynkhan, 6ellucci, Marhaba Sábı, Moldanazar, RaiM jáne 2RAR boldy. Sondaı-aq, kórermenderge dıdjeıdiń áýezdi mýzykasy usynyldy.
Astana alańyndaǵy jańa jyldyq is-shara 2024 jyldyń qorytyndysy men 2025 jyldyń shymyldyǵyn ashý boldy. Bul keshti ashyq aspan astynda ótkizýdi uıǵarǵan barlyq qatysýshy umytylmas áser aldy.
Aıta ketsek, búgin Almatyda taǵy bir aýqymdy konsert Abaı alańynda ótti. Onda Búrkit, Ǵazızhan Shekerbek, 2RAR, boız-bend «All Davaı» tobynyń solısi ári prodúseri Shoqan Maratuly jáne basqa da tanymal ónerpazdar án-jyrdan shashý shashty.