Almatyda Jańa jylǵa qaraǵan túni 21 sábı dúnıege keldi, - dep habarlaıdy Aqshamnews.kz.
Bul týraly Almaty qalasy ishki saıasat basqarmasynyń «Qoǵamdyq damý ortalyǵy» habarlady.
Jedel derekterge súıensek, saǵat 00:00-den 07:00-ge deıin 9 ul men 12 qyz dúnıege kelgen.
Árbir bosanýdy bilikti medısına mamandary muqıat baqylady. Ana men sábıge der kezinde qajetti medısınalyq kómek kórsetilip, jańa týǵan shaqalaqtyń jaǵdaıy turaqty dep baǵalandy.
2026 jyldyń alǵashqy sábıleriniń dúnıege kelýi - jańa kezeńniń, úmit pen ómir sabaqtastyǵynyń sımvolyna aınalsa, medısına qyzmetkerleri úshin bul mereke kúnderi de úzdiksiz atqarylatyn jaýapkershiligi joǵary qyzmettiń aıqyn kórinisi.
Qaladaǵy perzenthanalyq qyzmet júıesi qalypty tártipte jumysyn jalǵastyryp, ana men balaǵa sapaly ári qaýipsiz medısınalyq kómek kórsetilip otyr.