Almatynyń Qala qurylysyn baqylaý basqarmasy Ermensaı shaǵynaýdanynda, Jáńgir han kóshesi, 46-úıde ornalasqan úsh qabatty turǵyn úıdiń buzylyp jatqanyn habarlaıdy.
Tekserý kezinde nysan ıesiniń qurylysqa ruqsat beretin tıisti qujaty joq ekeni jáne joba syzbasynyń qate bolǵany anyqtalǵan.
Osyǵan baılanysty menshik ıesine (jeke tulǵa) ákimshilik sharalar qoldanylyp, zańbuzýshylyqtardy joıý týraly nusqama berilgen.
Alaıda nusqama talaptary oryndalmaǵandyqtan, Bostandyq aýdandyq sotyna nysandy súrý týraly talap-aryz berildi. Budan keıin uzaqqa sozylǵan sot prosesi júrgizildi.
2023 jyly 15 tamyzda Joǵarǵy sottyń qaýlysymen alǵashqy sot ınstansıasynyń nysandy buzý jónindegi sheshimi ózgerissiz qaldyryldy. Keıinnen Almaty qalasy Ádilet departamentinde oryndaý prosesi bastaldy.
Jaqynda sot oryndaýshylarynyń qatysýymen nysandy buzý jumystary bastaldy.