Ulttyq bank tóraǵasy Ǵalymjan Pirmatov basqarýshy dırektor Krıstalına Georgıeva bastaǵan HVQ delegasıasymen birlesip, Kavkaz, Ortalyq Azıa jáne Mońǵolıa elderinde áleýetti damytý jónindegi Halyqaralyq valúta qorynyń (HVQ) óńirlik ortalyǵyn ashty, dep habarlaıdy Almaty-akshamy.kz.
Sharaǵa aımaqtaǵy jáne álem elderindegi ortalyq bankterdiń, halyqaralyq qarjy uıymdary men birqatar dıplomatıalyq mısıalardyń basshylary, sondaı-aq memlekettik organdardyń ókilderi qatysty.
Halyqaralyq valúta qorynyń óńirlik ortalyǵynyń resmı ashylý saltanatynyna Almaty qalasynyń ákimi Erbolat Dosaev qatysyp sóz sóıledi.
- Bul – bizdiń qalamyzdyń eldermen, olardyń ekonomıkalary arasyndaǵy yntymaqtastyǵyn kórsetetin mańyzdy oqıǵa.
HVQ men Qazaqstan Ulttyq bankiniń birlesken kúsh-jigeri Kavkaz, Ortalyq Azıa jáne Mońǵolıa óńiri úshin áleýetti damytýdyń óńirlik ortalyǵyn oıdaǵydaı qurýǵa óz úlesimdi qosýǵa múmkindik berdi. Bul úderis 2020 jyldyń jeltoqsanynda pandemıa jaǵdaıynda, tıisti kelisim-hatqa qol qoıylǵan kezde bastaldy. Maǵan dınamıkalyq jáne progresıvti kózqarasymyzdyń dáleli bolyp tabylatyn osy ortalyqty qurýǵa belsendi túrde úles qosý múmkindigi berildi.
Óńirlik ortalyqtyń búgingi ashylýy oǵan qatysýshy elder arasyndaǵy áleýetti damytýǵa jáne bilim almasýǵa yqpal etetin, sondaı-aq óńirdegi ornyqty ekonomıkalyq ósý men qarjylyq turaqtylyqqa yqpal etetin óńirlik yntymaqtastyq jónindegi bizdiń kúsh-jigerimizdegi mańyzdy kezeń bolady. Almatyda ómir súrý sapasyn jaqsartý jáne damytý úshin naqty belgilengen strategıalar bar. Óziniń jaıly ornalasýymen, damyǵan ınfraqurylymymen jáne bızneske qolaıly ortasymen bizdiń qala saýda, ınvestısıa jáne yntymaqtastyq úshin kóptegen múmkindikter usynady. Biz Almatynyń áleýetin jańa múmkindikter retinde zertteý úshin Kavkaz, Ortalyq Azıa jáne Mońǵolıadan kelgen kásiporyndardy, ınvestorlar men kásipkerlerdi quptaımyz, dedi qala ákimi.
Óńirlik ortalyqty Qazaqstanda ornalastyrý týraly sheshimdi HVQ 2019 jyldyń qazan aıynda Qazaqstannan, Ózbekstannan jáne Grýzıadan túsken ótinimderdi qaraǵannan keıin qabyldady. Almatydaǵy keńse óńirdegi birinshi jáne adamı áleýetti damytý jónindegi Halyqaralyq valúta qorynyń shoty boıynsha 17-shi ortalyq bolyp tabylady.