Almatyda Halyqaralyq nashaqorlyqqa qarsy kúres kúnine arnalǵan “SAGADAT BATYR OPEN” AIGA grepplınginen halyqaralyq týrnır ótti.
Oǵan Qazaqstan, Túrkıa, Ázirbaıjan, Qyrǵyzstan, Ózbekstan jáne Tájikstan sportshylary qatysty, dep habarlaıdy Almaty-akshamy.kz Polisia.kz-ke silteme jasap.
Týrnırdi İİM esirtki qylmysyna qarsy is-qımyl departamenti Nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi josparynyń is-sharalaryn oryndaý sheńberinde uıymdastyrdy. İshki ister mınıstrligi atynan esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov sóıledi.
Jalpy týrnır sportshylar men jattyqtyrýshylardy, jankúıerler men salaýatty ómir saltyn ustanatyn adamdardy biriktirdi. Qatysýshylar zıandy áreketterden aýlaq qoǵam quryp, buqaralyq sportty kópshilik arasynda nasıhattaý qajettigin atap ótti. Sharanyń negizgi maqsaty – sport arqyly jastar men balalar arasynda esirtkige, nashaqorlyqqa qarsy ımýnıtet qalyptastyrý.
– Búgingi jarys adam densaýlyǵy men ál-aýqaty birinshi orynda bolatyn salaýatty orta qalyptastyrýǵa arqaý bolsyn, – dedi İİM ókili.
Jeńimpazdar “Halyqaralyq nashaqorlyqqa qarsy kúres kúni” degen arnaıy belgisi bar medaldarmen marapattaldy.