Fýtboldan 2024 jylǵy Eýropa chempıonatynyń onynshy oıyn kúni, 23 maýsymda A tobynda úshinshi týr oıyndary ótkizildi, dep habarlaıdy almaty-akshamy.kz.
Sońǵy týrda Germanıa men Shveısarıa quramalary 1:1 esebimen teń oınady. 28-mınýtta Den Ndoıe esep ashyp, shveısarıalyqtardy alǵa shyǵardy. Oıyn aıaqtalar tusta Nıklas Fýlkrýg esepti teńestirdi. Osylaısha nemister 7 upaımen óz tobynda birinshi oryn aldy. Ekinshi joldamany 5 upaı ıelengen Shveısarıa quramasy jeńip aldy. 3 upaı jınaǵan Vengrıanyń da azdaǵan múmkindigi bar.
Vengrıa Shotlandıaǵa qarsy ótken mańyzdy kezdesýde 1:0 esebimen jeńiske jetti. Jeńis golyn oıyn aıaqtalar tusta Kevın Ksoboch soqty. Osylaısha majarlyq fýtbolshylar alǵashqy 3 upaıyn alsa, Shotlandıa jaryspen qosh aıtysty.
Búgin túnde "V" tobyndaǵy quramalardyń oıyny ótedi.