Almatyda QR Sýretshiler odaǵynyń 90 jyldyǵyna arnalǵan Halyqaralyq kórme ashyldy
Ábilhan Qasteev atyndaǵy QR Memlekettik óner mýzeıinde QR Sýretshiler odaǵynyń 90 jyldyǵyna arnalǵan Halyqaralyq mereıtoılyq kórmesi ashyldy.
Bul – Qyrǵyzstan, Ózbekstan, Grýzıa, Ázirbaıjan, Belarýs, Býrát, Lıtva, Tájikstan, Ýkraına, Moldova Sýretshiler odaǵy ókilderiniń qatysýymen QR Sýretshiler odaǵynyń keıingi jyldary uıymdastyrǵan Qazaqstannyń keskindeme, grafıka, músin jáne sándik-qoldanbaly óneriniń eń ókildi kásibı forýmy.
QR Sýretshiler odaǵynyń Halyqaralyq mereıtoılyq kórmesinde elimizdiń óńirlerinen kelgen 250-den astam kásibı otandyq sýretshilerdiń, sondaı-aq ózge memleketter sýretshileriniń 2022-2023 jyldary oryndaǵan týyndylaryn usyndy. Kórmede zamanaýı ónerdiń barlyq janry men stılderi kórsetilgen. Aıtpaqshy, shetel sýretshileriniń (Qyrǵyzstan, Ózbekstan, Ázirbaıjan, Grýzıa jáne t.b.) týyndylary kórmeden soń Qasteev mýzeıiniń qorynda qalady.
Qazaqstandyq beıneleý óneri mektebiniń dástúrlerine keler bolsaq, adaldyq, qondyrǵyly óner, kórkemóner obektileri men músin salasyndaǵy batyl tájirıbeler synshylarǵa da, kórermenderge de zamanaýı ónerdiń alýan túrliligin baǵalaýda jańa serpin beredi. Jańa taqyryptar, eleýli kásibı jetistiktermen nyǵaıtylǵan shyǵarmashylyq mindetterdiń standartty emes sheshimderi aldaǵy mereıtoılyq kórmede qazaqstandyq sýretshiler óneriniń baǵaly jaqtaýyn quraıdy, – deıdi kórme jetekshisi Gúlnar Jubanıazova.
Ekspozısıa 7 jeltoqsanǵa deıin jalǵasady.